Paetyčnaha batłu pamiž Najdzionavym i Ryžkovym nie budzie
Na pačatku sakavika «Naša Niva» pisała pra videazvarot paeta Mikity Najdzionava da žury premii «Debiut», dzie jon vykazaŭ niazhodu ź ich rašeńniem i vyklikaŭ troch čałaviek z žury na paetyčny batł.
Tady vyklik na paetyčny batł pryniaŭ Vital Ryžkoŭ, jaki ŭvachodziŭ u skład žury «Debiutu». Ale, pieradusim, była adna ŭmova — dabračynnaje achviaravańnie ŭ fond «Viartańnie» ŭ sumie, ekvivalentnaj $435 (heta pamier premii za knihu, što zastaŭsia paśla apłaty padatku).
Siońnia Mikita Najdzionaŭ dasłaŭ adkaz na ŭmovu Vitala.
«Vielmi dobra, što sp. Ryžkoŭ viedaje sabie canu, škada tolki, što jon jaje ahučvaje. Viadoma, zorki za karparatyvy zvyčajna biaruć našmat bolš, čym za zvyčajnyja vystupy, a Ryžkoŭ vidavočnaja zorka, prynamsi, na jaho dumku. Škada, što ŭ mianie niama lišnich 500 dalaraŭ za jaho vystupleńnie».
«Adzinaje što: mnie niezrazumiełaja suviaź pamiž našym batłam i hrašyma za premiju. Asabliva kali sp. Ryžkoŭ vystupaje jak niezaležny lit. araty, a nie pradstaŭnik žury. Bo da premii i arhanizataraŭ «Debiuta» ja nie maju nijakich pretenzij, a naadvarot udziačny im i za ŭvahu da majoj tvorčaści, i za hrašovuju padtrymku».
«Kali jašče raz tłumačyć pryčyny vykliku na batł, ciapier užo ŭ prozie, to mianie abraziła nie toje, što ja nie atrymaŭ debiut, a toje, što sioleta anichto z maładych paetaŭ jaho nie atrymaŭ, a ich było 11. A hety fars z šort-listom, panibrackim pachłopvańniem pa plačy ad sp. Lankieviča i pustym kanviertam šmat kamu padaŭsia nieetyčnym i niedarečnym. Sioleta siabrami žury byli ŭpieršyniu zbolšaha sami byłyja debiutanty hetaj premii, u jakich raptoŭna vyraśli kryły i raspluščyłasia treciaje voka. I mnie padałosia, što nas jany bačyli nie stolki jak kankursantaŭ, kolki jak kankurentaŭ. Tamu ja i zachacieŭ, kab my vystupali na roŭnych u adkrytym pajadynku».
«Što da placoŭki, siekundantaŭ i apierataraŭ – to hetyja arhanizacyjnyja kłopaty ja taksama mahu ŭziać na siabie. Moj tekst taksama amal hatovy. Ja lohka pieražyvu, kali Ryžkoŭ nie stanie sa mnoj batlić, ale płacić za jaho ŭdzieł u paetyčnym batle dakładna nie budu».
Vital Ryžkoŭ na taki adkaz Mikity prakamientavaŭ adnym słovam: «Słabak».
Jak Vy ličycie, chto maje racyju ŭ dadzienaj sprečcy? Vykazvajciesia ŭ kamientach!
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie12
Kamientary