Azierbajdžan abviaściŭ «pra adnabakovaje spynieńni ahniu» na poŭnačy Karabacha. Minabarony Armienii nie paćviardžaje paviedamleńni. U adnoŭlenym u subotu kanflikcie ŭ Nahornym Karabachu było zabita 30 čałaviek.
Pradstaŭnik Ministerstva abarony Azierbajdžana zajaviŭ, što takim čynam kraina pačuła zakliki mižnarodnaj supolnaści spynić hvałt. Azierbajdžan tym nie mienš paabiacaŭ adnavić vajennyja dziejańni, u vypadku kali armianski bok nie padtrymaje pieramirje.
«Uziaŭšy za asnovu miralubnaść i zakliki mižnarodnych arhanizacyj, Azierbajdžan pryniaŭ rašeńnie spynić u adnabakovym paradku ŭ adkaz vajennyja apieracyi i budzie ŭmacoŭvać vyzvalenyja napiaredadni terytoryi», - havorycca ŭ zajavie minabarony Azierbajdžana.
Karabachskaja vajennyja i minabarony Armienii śćviardžajuć sa svajho boku, što bai ŭ rehijonie praciahvajucca.
***
Kanflikt pamiž Azierbajdžanam i Armienijaj pačaŭsia z-za Nahornaha Karabacha ŭ 1988 hodzie, kali nasielenaja pieravažna armianami Nahorna-Karabachskaja aŭtanomnaja vobłaść zajaviła ab vychadzie z Azierbajdžanskaj SSR.
U 1994 hodzie pry pasiarednictvie Maskvy było padpisana pieramirje, jakoje pakłała kaniec aktyŭnych bajavych dziejańniaŭ u rehijonie, ale jakoje pakinuła Karabach i navakolnyja jaho rajony Azierbajdžana pad kantrolem armian.
Za šeść hadoŭ vajny zahinuli zvyš 30 tysiač čałaviek.
Mirnaje ŭrehulavańnie zajšło ŭ tupik paśla pieramovaŭ lidaraŭ Armienii i Azierbajdžana ŭ 2009 hodzie.
U apošnija hady adbyłosia niekalki surjoznych uzbrojenych sutyknieńniaŭ na linii sudakranańnia bakoŭ.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary