Trend.az: «Uzbrojenyja Siły Armienii, vykarystoŭvajučy 60-, 82- i 120-milimietrovyja minamioty, hranatamioty i bujnakalibiernyja kulamioty, za minułyja sutki parušyli režym spynieńnia ahniu na roznych napramkach linii sudakranańnia azierbajdžanskich i armianskich vojskaŭ 130 razoŭ, paviedamlaje pres-słužba minabarony Azierbajdžana ŭ niadzielu.
US Armienii z pazicyj, raźmieščanych na biezymiennych vyšyniach i ŭ siołach Bierkabier i Paravakar Idževanskaha rajona Armienii, padvierhnuli abstrełu pazicyi US Azierbajdžana, raźmieščanyja na biezymiennych vyšyniach i ŭ siołach Hyzyłhydžyli Hazachskaha, Kiechniehyšłah Ahstafinskaha rajonaŭ; z pazicyj, raźmieščanych u siale Vaskievan Najembieranskaha rajona Armienii byli abstralanyja azierbajdžanskija pazicyi, raźmieščanyja ŭ siale Hušču Ajrym Hazachskaha rajona.
Azierbajdžanskija pazicyi taksama abstrelvajuć z pazicyj, raźmieščanych pablizu siołaŭ Hiulustan Hieranbojskaha, Hajarch, Jarymdža, Čylaburt, Čajły Ciercierskaha, Šychłar, Baš Hierviend, Džavachirli, Sarydžały, Kienhierli, Navruzłu, Namirli Ahdamskaha, Kurapatkina Chadžaviendskaha, Harachanbiejli, Haradziz, Harhan, Ašahy Sieidachmiedli Fizulinskaha, Miechdzi Džabrailskaha rajonaŭ.
Akramia taho, abstreł azierbajdžanskich pazicyj vioŭsia z pazicyj, raźmieščanych na biezymiennych vyšyniach na terytoryjach Hiekhielskaha, Hieranbojskaha, Chadžaviendskaha, Fizulinskaha i Džabrailskaha rajonaŭ.
Z ulikam apieratyŭnaj abstanoŭki, US Azierbajdžana nanieśli pa varožych pazicyjach 137 ahniavych udaraŭ.
U noč na subotu ŭsie pryhraničnyja pazicyi Azierbajdžana padviarhalisia intensiŭnamu abstrełu z bujnakalibiernaj zbroi, minamiotaŭ, hranatamiotaŭ i artyleryjskich ustanovak. Akramia taho, byŭ abstralany šerah nasielenych punktaŭ pablizu linii sudakranańnia vojskaŭ, dzie kampaktna pražyvaje cyvilnaje nasielnictva. U vyniku abstrełaŭ jość zahinułyja i paranienyja siarod cyvilnaha nasielnictva.
U bajach byli źniščanyja šeść armianskich tankaŭ, 15 artustanovok i ŭmacavanyja inžyniernyja zbudavańni, źniščana i paraniena bolš za 100 vajennasłužačych US Armienii.
12 vajennasłužačych US Azierbajdžana stali šachidami, padbity adzin viertalot Mi-24 i atrymaŭ paškodžańni na minie adzin tank».
Kamientary