U Rasii zabaranili polskuju nastolnuju hulniu «Čarha» jak antysavieckuju
U Rasii kanfiskavali z pryłaŭkaŭ mahazinaŭ polskuju dziciačuju hulniu «Čarha», tamu što žychary krainy ŭsprymajuć jaje jak antyrasiejskuju, paviedamlaje Instytut nacyjanalnaj pamiaci (IPN) Polščy na svajoj staroncy ŭ Facebook.
U IPN adznačyli, što ruskaja viersija «Čarhi» trapiła na rynak RF u listapadzie minułaha hoda. Ale ŭžo ŭ lutym 2016 hoda rasijski dystrybjutar hetaj hulni UNITOYS papiaredziŭ firmu Trefl, jakaja vykupiła ŭ IPN licenziju na hulniu, što ŭ Rasii «Čarha» ŭsprymajecca jak antyrasiejskaja.
U instytucie ŭdakładnili, što Rasspažyŭnahlad staŭ paviedamlać ab atrymańni sihnałaŭ ad nasielnictva, aburanaha krytyčnym apisańniem kamunistyčnaj systemy, a taksama infarmacyjaj, što Saviecki Sajuz parušyŭ układ inšaj krainy, hramadzianie jakoj vymušanyja byli žyć u nasadžanaj im kamunistyčnaj sistemie.
U Rasspažyŭnahladzie zapatrabavali źmianić histaryčny fon hulni abo vyklučyć jaje z prodažu. U advarotnym vypadku viedamstva pryhraziła firmie Trefl zabaranić na rynku Rasii ŭsie tavary, jakija firma vyrabiła abo źjaŭlajecca ich dystrybjutaram.
«IPN nie pahadziŭsia na ŭniasieńnie takich źmianieńniaŭ, a tamu «Čarhi» ŭžo niama ŭ rasijskich kramach», — havorycca ŭ paviedamleńni.
Dyrektar biuro adukacyi IPN Andžej Zavistoŭski paviedamiŭ, što krytyka hulni rasiejskim bokam absurdnaja i zasnavanaja na kancepcyi histaryčnaj palityki RF.
«Niekatoryja rasiejcy, jakija prymajuć rasiejskuju historyju SSSR u jakaści svajoj ułasnaj, ličać, što krytyka ŭ adras Savieckaha Sajuza jak tatalitarnaj dziaržavy zdolnaja ačarnić sučasnuju Rasiju», — adznačyŭ Zavistoŭski.
U IPN padkreślili, što hulnia «Čarha» adlustroŭvaje realii 80-ch hadoŭ minułaha stahodździa, abciažaranyja zmročnym paŭsiadzionnym žyćciom pry kamuniźmie, kali ŭ nasielnictva ŭźnikali pastajannyja ciažkaści z kuplaj čaho-niebudź u kramach. I choć hetaja tema blizkaja šmatlikim rasiejcam siaredniaha i starejšaha pakaleńnia, jany admaŭlajucca hulać u hetuju hulniu.
Ciapier čytajuć
Historyja 12‑hadovaj Viery ŭ minskaj infiekcyjnaj balnicy nastolki ŭraziła biełarusaŭ, što ciapier čarha z achvotnych dapamahčy4
Kamientary