Navinavyja sajty najbujniejšych šviedskich haziet źviedali ŭ subotu ŭviečary masiravany DDOS-napad, jaki całkam paralizavaŭ ich pracu. Za dźvie chviliny da ataki, u 19.28 na ananimnaj staroncy ŭ tvitary źjaviłasia papiaredžańnie na anhlijskaj movie, što napad budzie nakiravany na šviedskaje ŭrad i srodki masavaj infarmacyi, jakija raspaŭsiudžvajuć «chłuślivuju prapahandu».
Uśled za hetym adnačasova stali niedastupnyja sajty haziet Aftonbladet, Expressen, Dagens Nyheter, Svenska Dagbladet, Dagens Industri, Sydsvenskan i Helsingborgs Dagblad. Svajho piku chakierskaja ataka dasiahnuła ŭ 20.40 pa stakholmskim časie.
Nacyjanalny adździeł apieratyŭnaj pracy stakholmskaj palicyi prainfarmavaŭ ab nadzvyčajnaj situacyi šviedskuju palicyju biaśpieki SÄPO. Papiarednija dadzienyja, jakija pastupili z najbujniejšaha u Stakholmie punktu abmienu internet-trafikam Netnod Internet Exchange i Sverige AB, pakazali, što niedasiažnaja pierahruzka liku padłučanych udzielnikaŭ zychodziła z Rasii ci praz rasijskich apierataraŭ suśvietnaj sietki.
Ministr unutranych spraŭ Šviecyi Anders Ihieman prainfarmavaŭ urad ab PP i vykazaŭ vialikuju zaniepakojenaść z nahody taho, što znajšlisia siły, jakija majuć namier prymusić zamaŭčać svabodnuju presu. Kryminalnaja palicyja Stakholma pačała rasśledavańnie złačynstva z metaj ustalavać krynicu DDOS-ataki, jakaja paralizavała viadučyja navinavyja sajty krainy.
Na dniach šviedskaja palicyja biaśpieki SÄPO apublikavała štohadovuju spravazdaču, u jakim padkreślivałasia surjoznaść psichałahičnaj vajny, maštabnaha špijanažu i manipulacyj z boku Rasii.
Ciapier čytajuć
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin11
Kamientary