Ministerstva pryrodnych resursaŭ i achovy navakolnaha asiarodździa viadzie pastajanny manitorynh stanu vod Biełarusi, paviedamiŭ siońnia na pres-kanfierencyi namieśnik ministra pryrodnych resursaŭ i achovy navakolnaha asiarodździa Ihar Kačanoŭski.
«Manitorynh padziemnych vod u Biełarusi pravodzicca na 97 hidrałahičnych pastach pa 347 riežymnych nahladalnych śvidravinach. Isnujučaja dziaržaŭnaja sietka manitorynhu pavierchnievych vod naličvaje amal 300 punktaŭ nazirańniaŭ na 160 vodnych abjektach. Aktualizacyja danych nacyjanalnaj sistemy manitorynhu navakolnaha asiarodździa Biełarusi štohod pravodzicca na aficyjnym sajcie Minpryrody», — adznačyŭ namieśnik ministra.
Ihar Kačanoŭski raskazaŭ, što samymi čystymi vadajomami pryznany aziory Paŭnočnaje Vołasa, Paŭdniovaje Vołasa [miesca raźmiaščeńnia brasłaŭskaj rezidencyi Alaksandra Łukašenki — NN], Jeziaryšča, Łukomskaje, Miadzieł, Absterna, Saro, Snudy i Ciosta ŭ basiejnie Zachodniaj Dźviny, voziera Miastra i Narač u basiejnie Niomana, voziera Biełaje kala nasielenaha punkta Bastyń u basiejnie Prypiaci.
«Najbolšuju nahruzku ad ściokavych vod adčuvajuć Śvisłač nižej za Minsk, Nioman nižej za Hrodna, Biarezina nižej Babrujska, Dniapro nižej za Mahiloŭ i Rečycu, Zachodniaja Dźvina nižej za Navapołack, Prypiać nižej za Mazyr i Jasielda — nižej za Biarozu», — paviedamiŭ jon.
Namieśnik ministra padkreśliŭ, što važnym napramkam manitorynhu źjaŭlajecca nazirańnie za stanam vod na transhraničnych učastkach rek pa mižnarodnych pahadnieńniach. «Ciapier Biełaruś padpisała dva takija pahadnieńni — z Rasijaj i Ukrainaj. Viadziecca rabota pa zaklučeńni anałahičnaha pahadnieńnia z Polščaj. Biełaruś prymaje ŭsie miery, nakiravanyja na racyjanalnaje vykarystańnie i achovu vodnych resursaŭ», — reziumavaŭ Ihar Kačanoŭski.
Kamientary