Minsportu i turyzmu abiacaje chutkaje spraščeńnie biełaruskaha vizavaha režymu
Najbližejšym časam u Biełarusi budzie pryniataje rašeńnie ab spraščeńni vizavaha režymu, paviedamiŭ namieśnik ministra sportu i turyzmu Michaił Partnoj 17 sakavika na pasiadžeńni kalehii departamienta pa turyźmie Ministerstva sportu i turyzmu.
«Zaraz vielmi aktyŭnaja praca idzie. My sumiesna ź Ministerstvam zamiežnych spraŭ i Minekanomiki jaje praciahvajem. Ja dumaju, litaralna praź miesiac-paŭtara respubliku ŭzradujuć surjoznym rašeńniem pa spraščeńni vizavaha režymu», — zajaviŭ namieśnik ministra. Pry hetym Partnoj nie staŭ udakładniać detali prajekta.
U svaju čarhu dyrektar departamienta pa turyźmie Vadzim Karmazin zaznačyŭ, što ministerstva prapanuje spraścić vizavy režym dla hramadzian «paśpiachovych u mihracyjnym płanie krain». Jon paviedamiŭ, što libieralizacyja vizavaha režymu ŭklučanaja i ŭ prajekt dziaržaŭnaj prahramy «Biełaruś haścinnaja» na 2016—2020 hady, jaki ŭniesieny na razhlad u Saŭmin. U prajekcie dziaržprahramy metavymi ekspartnymi rynkami dla śfiery turyzmu nazvanyja Rasija, krainy Jeŭropy, Kitaj, Vjetnam, Izrail, a taksama Turcyja.
Nahadajem, pra padrychtoŭku rašeńnia pa spraščeńni ŭ Biełarusi vizavaha režymu dla niekatorych čužaziemcaŭ zajaviŭ 2 sakavika ministr zamiežnych spraŭ Uładzimir Makiej. «Aktyvizacyi kantaktaŭ małoha i siaredniaha biźniesu z zamiežnymi partniorami mahła b pasłužyć libieralizacyja vizavaha režymu. My heta dobra razumiejem i ŭ hetym kirunku pracujem. Bolš za toje, rychtujem prajekt ukaza, jaki maksimalna b zabiaśpiečvaŭ mahčymaści dla dziełavych kantaktaŭ z zamiežnymi partniorami», — skazaŭ jon. Makiej zaznačyŭ, što pakul nie chacieŭ by padrabiazna spyniacca na normach ukaza, bo jaho prajekt ciapier abmiarkoŭvajecca z zacikaŭlenymi bakami i najbližejšym časam budzie pieradadzieny na razhlad Alaksandru Łukašenku. «Ja dumaju, što hety ŭkaz značna dapamoža palehčyć eksparcioram arhanizacyjnuju pracu z partniorami ź inšych krain», — zajaviŭ kiraŭnik MZS.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym7
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary