U Iŭi dzieciam raskazvali pra «pieršadrukara Ivana Fiodarava»
Na sajcie Lidskaj jeparchii źjaviłasia navina, što 14 sakavika ŭ Iŭjeŭskaj haradskoj biblijatecy ŭzhadvali pieršadrukara Ivana Fiodarava. Sustreču pravodziŭ nastajaciel chrama śviatoha mučanika niemaŭlaci Haŭryły Biełastockaha Viačasłaŭ Paškievič.
Na sustreču byli zaprošanyja vučni Lalukinskaj siaredniaj škoły, a taksama navučency ź Iŭja.
My patelefanavali ajcu Viačasłavu Paškieviču, kab daviedacca, čamu jon ličyć pieršadrukarom Ivana Fiodarava, a nie Franciška Skarynu.
«Havorka viadziecca pra knihu «Apostał», jaje pieršym nadrukavaŭ Ivan Fiodaraŭ», — adkazaŭ nam śviatar.
Na heta my pryviali arhumient, što Skaryna vydaŭ drukavanaha «Apostała» jašče ŭ 1525 hodzie, a Fiodaraŭ — tolki ŭ 1564 hodzie. To bok amal na 40 hadoŭ paźniej za Skarynu.
«Ja nie razumieju, da čaho ŭ vas pretenzii, da historyi? – skazaŭ nam ajciec Viačasłaŭ Paškievič. – Ja vyčytaŭ u historyi, što pieršaha «Apostała» nadrukavaŭ mienavita Fiodaraŭ».
Na hetym dalejšuju razmovu pravasłaŭny śviatar vieści admoviŭsia, paraiŭšy źviarnucca pa kamientar asabista da mitrapalita Minskaha i Zasłaŭskaha Paŭła.
Praź niejki čas ajciec Viačasłaŭ jašče raz nabraŭ karespandenta «Našaj Nivy», kab patłumačyć svaju pazicyju. «Kali «Apostał» drukujecca, to drukujecca ŭ niaźmiennym vyhladzie, u tym, u jakim jon byŭ pieradadzieny ad śviatych apostałaŭ. Takoje vydańnie nadrukavaŭ mienavita Ivan Fiodaraŭ. Francišak Skaryna dadaŭ u «Apostała» vypiski ź biełaruskaha vydańnia i niešta jašče dadaŭ. Niešta 100% było dadadziena. Kamuści padabajecca toje vydańnie, kamuści — hetaje. Ja cudoŭna razumieju, što Francišak Skaryna — pieršadrukar», — adznačyŭ ajciec Viačasłaŭ Paškievič.
Cikava, što na sajcie Lidskaj jeparchii krainaj jepiskapa Parfiryja čamuści paznačana «Biełoruśsija».
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy82
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary