MZS Biełarusi papiaredžvaje biełaruskich hramadzian ab mahčymych nastupstvach naviedvańnia Kryma.
«Ministerstva zamiežnych spraŭ zaŭsiody aryjentuje hramadzian Respubliki Biełaruś, a taksama turystyčnyja arhanizacyi na toje, što pry płanavańni adpačynku i turyzmu za miažoj im nieabchodna brać pad uvahu ŭmovy tranzitu, ujezdu-vyjezdu, a taksama znachodžańnia ŭ tym miescy, kudy jany nakiroŭvajucca», — skazaŭ pres-sakratar MZS Biełarusi Dźmitryj Mirončyk, adkazvajučy 17 sakavika na bryfinhu ŭ Minsku.
Mirončyk adznačyŭ, što MZS nieadnarazova na praciahu 2014—2015 hadoŭ infarmavała biełaruskich hramadzian ab ustanoŭlenych zakanadaŭstvam Ukrainy umovach dla ŭjezdu ŭ Krym zamiežnych hramadzian.
«Znoŭ chacieli b prainfarmavać našych hramadzian ab tym, što pry płanavańni pajezdki ŭ Krym u siezon 2016 hoda nieabchodna zychodzić z taho, što ŭjezd-vyjezd na paŭvostraŭ pry ruchu tranzitam cieraz terytoryju macierykovaj Ukrainy z turystyčnymi metami nie ŭjaŭlajecca mahčymym, — skazaŭ Mirončyk. — Pry naviedvańni Kryma cieraz terytoryju Rasijskaj Fiederacyi hramadzianam Biełarusi varta mieć na ŭvazie, što heta moža pasłužyć padstavaj dla admovy va ŭjeździe nazvanym hramadzianam na terytoryju Ukrainy i pryciahnieńnia ich da administracyjnaj adkaznaści ŭ adpaviednaści z ukrainskim zakanadaŭstvam».
Napiaredadni siezona adpačynkaŭ biełaruskija turfirmy pačali aktyŭna prapanoŭvać niedarahi adpačynak u Krymie z zajezdam na paŭvostraŭ cieraz terytoryju Rasii. Pry hetym u bolšaści vypadkaŭ patencyjnych klijentaŭ nie papiaredžvajuć pra mahčymyja nastupstvy takoha padarožža.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ80
Kamientary