Juryst z Sankt-Pieciarburha Arkadź Čapłyhin patrabuje raspačać kryminalnuju spravu ŭ dačynieńni da adnaho z byłych lidaraŭ bajevikoŭ tak zvanaj «DNR» Ihara Strałkova (Hirkina).
Ab hetym paviedamlajecca na sajcie hramadskaha ruchu «Adkrytaja Rasija».
Kiraŭnik śpiecyjalizavanaj kalehii advakataŭ «Pryzyŭnik» napisaŭ zajavu ŭ Hałoŭnaje śledčaje ŭpraŭleńnie RF z prośbaj raspačać kryminalnuju spravu ŭ dačynieńni da Strałkova.
Padstavaj dla hetaha stali pryznańnie byłoha lidara bajevikoŭ, jon ahučyŭ u intervju radyjo «Komsomolskaja pravda» ŭ studzieni.
U razmovie z žurnalistami Strałkoŭ pryznaŭ, što ŭ čas akupacyi Słavianskaja pa jaho zahadam byli rasstralanyja, jak minimum, čatyry čałavieki.
«Rasstrelvali. (…) My sudzili, ažyćciaŭlali sudy, rasstrelvali za dakazana. (…) Usiaho było rasstralana za čas majho znachodžańnia ŭ Słaviansku čatyry čałavieki. Dvoje - za maradziorstva siarod vajskoŭcaŭ, adzin - za maradziorstva miascovy, i adzin za zabojstva vajskoŭca, idejny «pravosiek», - raspavioŭ tady Strałkoŭ.
Juryst adznačyŭ, što aŭdyjozapis intervju byŭ paśla vydaleny z sajta «Kamsamolskaj praŭdy», i pryvioŭ spasyłki na sajt bajevikoŭ, dzie raźmieščany aŭdyjozapis i rasšyfroŭka razmovy.
Kali słovy Strałkova adpaviadajuć rečaisnaści, to da jaho pavinna być zaviedziena kryminalnaja sprava za «zabojstva dvuch i bolš asob hrupaj asobaŭ pa papiaredniaj zmovie abo arhanizavanaj hrupaj», ličyć Arkadź Čapłyhin.
Ciapier čytajuć
Kola Łukašenka siadzić pobač z baćkam i Pucinym na Krasnaj płoščy6
Kamientary