Paciarpiełych niama.
Incydent adbyŭsia 4 sakavika, kala 16.10, na trasie M3 (Minsk — Viciebsk) pablizu Baraŭlan. Pra heta AUTO.TUT.BY paviedamiŭ čytač Alaksandr (Sagas) Alaksandraŭ. Dziakujučy zładžanym dziejańniam milicyi i vyratavalnikaŭ udałosia paźbiehnuć surjoznych nastupstvaŭ.
Pa słovach čytača, pažar pačaŭsia ŭ rajonie zadnich kołaŭ aŭtobusa. Pasažyry chutka pakinuli sałon i pačali zdymać toje, što adbyvajecca, na telefony, a kiroŭca pasprabavaŭ spravicca z ahniom samastojna, ale marna.
«U ličanyja chviliny ahoń razhareŭsia ŭ zadniaj častcy aŭtobusa. Čas ad času ŭ nižniaj častcy transpartnaha srodku razdavalisia niejkija vybuchi, ad žaru pačało łopacca škło. Zdavałasia, jašče krychu i budzie surjozny vybuch», — apisaŭ zdareńnie mužčyna.
Milicyjanty, jakija prybyli na miesca zdareńnia, aharadzili aŭtobus i pierakryli častku darohi, a taksama «litaralna vyciahnuli kiroŭcu, jaki da apošniaha zmahaŭsia z ahniom, z-pad pałajučaha aŭtobusa» i adahnali pasažyraŭ, jakija sprabavali «zakidać aŭtobus śnieham».
Jak raspaviali ŭ MNS, da prybyćcia ratavalnikaŭ hareŭ matorny adsiek i zadniaja častka sałona aŭtobusa, jaki jechaŭ ź Minska ŭ sanatoryj «Rudnia» Łahojskaha rajona. Akramia kiroŭcy, ŭ aŭtobusie znachodzilisia 34 pasažyry — usie jany pakinuli sałon. Paciarpiełych niama.
U vyniku pažaru byŭ vypaleny matorny adsiek, paškodžanaja zadniaja častka sałona aŭtobusa.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar19
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku33
Kamientary