Brazilskaja palicyja padčas maštabnaha antykarupcyjnaha rasśledavańnia abšukała dom byłoha prezidenta Łuisa Inasiu Łuła da Siłvy ŭ San-Paŭła. Sam da Siłva zatrymany dla dopytu, pieradajuć miascovyja ŚMI.
Pieratrus u domie byłoha prezidenta — častka bujnamaštabnaj apieracyi, jakuju ŭ piatnicu pravodziać brazilskija pravaachoŭnyja orhany. U joj udzielničajuć kala 200 palicejskich i 30 pradstaŭnikoŭ padatkovaj słužby.
Pieratrusy pravodziacca ŭ dvuch štatach. Viadoma, što palicyjanty abšukvajuć taksama zasnavany byłym prezidentam Instytut da Siłva.
Usie pieratrusy źviazanyja sa spravaj ab karupcyi ŭ dziaržaŭnaj naftavaj kampanii Petrobras, u jakoj pavodle viersii śledstva byŭ zamiašany šerah vysokapastaŭlenych čynoŭnikaŭ.
Skandał pačaŭsia viasnoj 2014 hoda, kali byŭ aryštavany były dyrektar Petrobras pa zabieśpiačeńni Paŭłu Rabierta Kosta.
Z taho času ŭ suviazi sa skandałam byli aryštavanyja bolš za 100 čałaviek, siarod ich viadomyja palityki i biznesmieny. U piatnicu viarchoŭny sud krainy padtrymaŭ vystaŭleńnie abvinavačvańniaŭ śpikieru nižniaj pałaty parłamienta Eduardu Kunja.
Kunja padazrajecca ŭ atrymańni chabaraŭ na sumu ŭ niekalki miljonaŭ dalaraŭ za dapamohu ŭ zaklučeńni kantraktaŭ kampanii Petrobras.
Kamientary