Homielskaja sudździa apraŭdała niezaležnuju žurnalistku Łarysu Ščyrakovu. Sudździa Savieckaha rajonnaha suda Alena Šajn spyniła administracyjny praces u dačynieńni da fryłansiera z-za nieachajna składzienaha pratakoła.
Dla žurnalistki Łarysy Ščyrakovaj, jakaja ciaham hetaha hoda niekalki razoŭ pryciahvałasia da adkaznaści za niezakonny vyrab infarmacyjnaj pradukcyi, taki finał staŭsia niečakanaściu:
«Mahčyma, heta vielmi sumlennaja sudździa. Ja mahu tolki hadać. Jana skazała, što jość prablemy ŭ pratakole. Takija precedenty ŭžo byli, kali pratakoły składalisia nieachajna, ale ŭ takim vypadku ludziej nie vyzvalali ad administracyjnaj adkaznaści, a prosta davodzili da ładu pratakoły. I takim čynam administracyjny praces adnaŭlaŭsia, a ludziej karali pa palityčnych matyvach».
Juryst «Biełaruskaj asacyjacyi žurnalistaŭ» Leanid Sudalenka nie vieryć u samastojnaść rašeńniaŭ sudździ. Ale pravaabaronca hatovy «źniać kapialuš» pierad sudździoj Alenaj Šajn, kali ŭ bližejšyja 10 dzion praces nie adnovicca:
«Treba pahladzieć, jak budzie dalej. Kali, naprykład, na hetym spynicca pieraśled fryłansieraŭ, to my skažam, što narešcie biełaruski ŭrad adumaŭsia. Kali ciaham niekalkich dzion prakuror pryniasie pratest na pastanovu hetaj sudździ, jak užo byvała nie raz, to tady ja zdymu kapialuš pierad hetaj maładoj dziaŭčynaj-sudździoj. I skažu, što jana pastupiła pa zakonie, ale sistema ŭsio roŭna jaje złamała».
Łarysa Ščyrakova sioleta stała pieršaj žurnalistkaj, jakuju aštrafavali na 20 bazavych vieličyniaŭ za sacyjalny materyjał pra žyćcio siraty z Homielskaha rajona. Ale absalutnym rekardsmienam pa kolkaści štrafaŭ źjaŭlajecca jaje kaleha Kastuś Žukoŭski, jaki vinny dziaržavie bolš za 45 miljonaŭ rubloŭ.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary