Praciahvać uźviadzieńnie budynkaŭ dla Respublikanskaha navukova-praktyčnaha centra sportu «niama ekanamičnaj mahčymaści», zajaviła namieśnik premjer-ministra Natalla Kačanava na pasiadžeńni kalehii Minsportu 3 lutaha.
Centr, jaki składajecca z dvuch budynkaŭ na skryžavańni vulic Naračanskaj i Cimirazieva ŭ Minsku, płanavałasia zdać u ekspłuatacyju da 1 studzienia 2016 hoda, paviedamiŭ dyrektar RNPC Hienadź Zaharadny. Pavodle jaho słoŭ, čatyrochpaviarchovy budynak hatovy na 90%, siamipaviarchovy — na 25%.
Ciapier centr zajmaje častku płoščaŭ palikliniki Biełaruskaj čyhunki na vulicy Varanianskaha. Vystupajučy na kalehii, Zaharadny zajaviŭ pra pahrozu zdaroŭju spartsmienaŭ, pakolki ŭ adnym lifcie moža apynucca, umoŭna, Viktoryja Azaranka, jakaja pryjechała na kansultacyju, i chvory na hryp. Raniej RNPC byŭ vysieleny z budynka pa vulicy Śviardłova kala stadyjona «Dynama» i Minsportu. Budynak źnieśli pierad čempijanatam śvietu pa chakiei 2014 hoda pa pryčynie budaŭnictva šmatfunkcyjanalnaha kompleksu, adnak hetaja budoŭla była zamarožanaja, faktyčna nie pačaŭšysia.
U toj ža čas čynoŭniki paabiacali na kalehii dapamahčy centru z novym abstalavańniem. Bolšaści ciapier ekspłuatavanych aparataŭ kala 10 hadoŭ, i ź ich, pa słovach Zaharadnaha, vyciskajucca «apošnija soki».
Kamientary