Dziaržaŭny kamitet pa standartyzacyi ŭ I paŭhodździ 2016 hoda nie płanuje pravodzić pravierki dziaržaŭnaha nahladu adpaviednaści pradukcyi lohkaj pramysłovaści patrabavańniam adpaviednaha Techničnaha rehłamientu Mytnaha sajuza ŭ indyvidualnych pradprymalnikaŭ (IP).
Ab hetym zajaviŭ namieśnik staršyni Dziaržstandartu Siarhiej Iŭleŭ na naradzie členaŭ hramadskaha kansultatyŭnaha savieta (HKS) pa aktualnych pytańniach raboty IP, jakija ažyćciaŭlajuć handal tavarami lohkaj pramysłovaści, paviedamili karespandentu BIEŁTA ŭ pres-słužbie Ministerstva ekanomiki, na bazie jakoha prajšło mierapryjemstva.
Pavodle słoŭ Siarhieja Iŭleva, z metaj šyrokaha infarmavańnia indyvidualnych pradprymalnikaŭ i inšych zacikaŭlenych bakoŭ na sajcie Dziaržstandartu raźmieščany śpiecyjalny banier «Indyvidualnamu pradprymalniku: ab paćviardžeńni adpaviednaści pradukcyi lohkaj pramysłovaści TR MS 017/2011». U im pradstaŭlena najbolš važnaja i nieabchodnaja infarmacyja, jakaja ŭklučaje vytrymki z narmatyŭnych dakumientaŭ, rastłumačeńni pa pracedurach siertyfikacyi i dekłaravańnia, pieraliki orhanaŭ pa siertyfikacyi i vyprabavalnych łabaratoryj, pakrokavaja instrukcyja i adkazy na časta zadavajemyja pytańni.
Akramia taho, rychtujucca dla raźmiaščeńnia na sajcie dadatkovyja materyjały pa ažyćciaŭleńni pracedur paćviardžeńnia adpaviednaści.
Narada členaŭ HKS adbyłasia pad staršynstvam namieśnika ministra ekanomiki Iryny Kaścievič. U joj pryniali ŭdzieł pradstaŭniki zacikaŭlenych dziaržorhanaŭ, a taksama biźnies-supolnaści.
Na naradzie razhledžany pytańni, uźniatyja biźnies-sajuzami jak prablemnyja: prymianieńnie adkaznaści za parušeńnie patrabavańniaŭ techničnych rehłamientaŭ Mytnaha sajuza; nieabchodnaść z 1 studzienia 2016 hoda ŭstanoŭki i vykarystańnia płaciežnych terminałaŭ u handlovych abjektach Minska, haradach abłasnoha i rajonnaha padparadkavańnia, u tym liku ŭ śviatle denaminacyi; ažyćciaŭleńnie pravierak padatkovymi orhanami pa pytańniach vykanańnia norm ukaza ad 16 maja 2014 hoda numar 222.
Ciapier čytajuć
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin11
Kamientary