Supracoŭnikami staličnych padraździaleńniaŭ Śledčaha kamiteta zavieršana rasśledavańnie šerahu kryminalnych spraŭ ab niezakonnym abarocie psichatropaŭ, paviedamlajuć u Śledčym kamitecie.
Pieršaja kryminalnaja sprava była raspačata ŭ dačynieńni da dvuch niepracujučych žycharoŭ Salihorska. Adnamu z chłopcaŭ - 23 hady, druhomu - 21. Maładyja ludzi ŭvachodzili ŭ skład arhanizavanaj hrupy, jakaja zajmałasia raspaŭsiudam psichatropnych rečyvaŭ ŭ Minsku i niekatorych haradach Minskaj vobłaści.
Sa žniŭnia pa kastryčnik 2015 hoda, pražyvajučy na arandavanaj kvatery ŭ stalicy, zmoŭščyki atrymlivali ad arhanizataraŭ hrupy bujnyja partyi psichatropnych rečyvaŭ, dzialili ich na drobnyja porcyi i chavali ŭ zakładkach. U vyniku adnaho z chłopcaŭ zatrymali supracoŭniki padraździaleńnia pa narkakantroli, kali jon doma zajmaŭsia rasfasoŭkaj čarhovaj partyi. Jaho paplečniku ŭdałosia ŭciačy.
Abvinavačany daŭ pryznalnyja pakazańni i paviedamiŭ śledčym adrasy zroblenych im zakładak. U ahulnaj składanaści z kvatery, aŭtamabila i schovanak kanfiskavana bolš za 230 h psichatropnych rečyvaŭ u vyhladzie paraška i kryštalaŭ.
Taksama zavieršana rasśledavańnie anałahičnaj kryminalnaj spravy ŭ dačynieńni da niepracujučaha 26-hadovaha minčuka.
Złamyśnik taksama uvachodziŭ u skład arhanizavanaj złačynnaj hrupy i raspaŭsiudžvaŭ svoj «tavar» u stalicy. Vosieńniu minułaha hoda jaho zatrymali pry ažyćciaŭleńni zakładak. Pry asabistym dahladzie i ŭ jaho aŭtamašynie znajšli bolš za 85 h psichatropnaha rečyva i 2,5 h marychuany. Narkotyki małady čałaviek nie tolki zbyvaŭ, ale i ŭžyvaŭ sam.
Śledčymi ustanoŭlena miescaznachodžańnie bolš za 500 tajnikoŭ, z dapamohaj jakich abvinavačvany raspaŭsiudžvaŭ zabaronienyja preparaty. Niekatoryja zakładki raźmiaščalisia naŭprost na terytoryi, prylehłaj da doma, u jakim žyŭ narkadyler.
Kryminalnaja sprava pieradadziena prakuroru dla nakiravańnia ŭ sud. Handlaram psichatropami pahražaje da 15 hadoŭ pazbaŭleńnia voli.
Ciapier čytajuć
Historyja 12‑hadovaj Viery ŭ minskaj infiekcyjnaj balnicy nastolki ŭraziła biełarusaŭ, što ciapier čarha z achvotnych dapamahčy4
Kamientary