Biełaruskija pravajdary z 1 studzienia buduć zachoŭvać źviestki ab sajtach, jakija naviedvajuć karystalniki

Biełaruskija pravajdary z 1 studzienia pavinny zachoŭvać źviestki ab sajtach, jakija naviedvali karystalniki. Heta praduhledžana pastanovaj Ministerstva suviazi i infarmatyzacyi Biełarusi numar 6 ad 18 lutaha 2015 hoda.

U dakumiencie adznačajecca, što pastaŭščyki internet-pasłuh abaviazany z vykarystańniem aparatna-prahramnaha kompleksu farmiravać i zachoŭvać aktualnyja źviestki ab naviedvajemych karystalnikami internet-pasłuh internet-resursach.

Pravajdary buduć zachoŭvać nastupnuju infarmacyju ab karystalnikach, uklučajučy fizičnych asob, u tym liku indyvidualnych pradprymalnikaŭ: numar i datu zaklučeńnia dahavora na akazańnie pasłuh elektrasuviazi; proźvišča, ułasnaje imia, imia pa baćku (kali takoje jość); adras karystalnika abo adras ustanoŭki kancavoha abanienckaha ŭstrojstva (terminała); danyja, što dajuć mahčymaść vyznačyć (identyfikavać) karystalnika internet-pasłuh abo jaho kancavoje abanienckaje ŭstrojstva (terminał); MAS-adras abo identyfikacyjny numar kancavoha abanienckaha ŭstrojstva (terminała) karystalnika internet-pasłuh sotavaj ruchomaj elektrasuviazi; dla abanientaŭ sietki sotavaj ruchomaj elektrasuviazi - rekvizity dakumienta, što zaśviedčvaje asobu (jaho nazva, sieryja, numar, data vydačy i nazva dziaržaŭnaha orhana, jaki vydaŭ dakumient).

Adnosna jurydyčnych asob buduć zachoŭvacca źviestki ab numary i dacie zaklučeńnia dahavora na akazańnie pasłuh elektrasuviazi; nazva (firmiennaja nazva) jurydyčnaj asoby, jaje jurydyčny adras; adras ustanoŭki kancavoha abanienckaha ŭstrojstva (terminała) karystalnika internet-pasłuh; danyja, što dajuć mahčymaść vyznačyć (identyfikavać) karystalnika internet-pasłuh abo jaho kancavoje abanienckaje ŭstrojstva (terminał); MAS-adras abo identyfikacyjny numar kancavoha abanienckaha ŭstrojstva (terminała) karystalnika internet-pasłuh sotavaj ruchomaj elektrasuviazi.

Akramia taho, buduć zachoŭvacca źviestki pra ŭsie pasłuhi elektrasuviazi, aktyvavanyja karystalnikam internet-pasłuh, a taksama data, čas pačatku i zakančeńnia złučeńniaŭ, unutrany i źniešni IP-adrasy i party kancavoha abanienckaha ŭstrojstva (terminała), damiennaje imia abo IP-adras i port internet-resursu, jaki naviedvaje karystalnik internet-pasłuh, abjom pieradadzienych i pryniatych danych.

Pastaŭščyki internet-pasłuh zabiaśpiečvajuć zachoŭvańnie aktualnych źviestak ab naviedvajemych karystalnikami internet-pasłuh infarmacyjnych resursach na praciahu adnaho hoda z dnia akazańnia internet-pasłuh.

Pastanova ŭstupaje ŭ siłu z 1 studzienia 2016 hoda.

• 0
• 0
• 0
• 0
• 0
• 0
• 0
• 0