Alaksandru Łukašenku prysvojena zvańnie «Hanarovy Uździeń Dahiestana» «za žaleznuju volu, dalnabačnuju palityku i prykład patryjatyzmu i pavahi da narodaŭ SND».
Siertyfikat ab prysvajeńni hanarovaha zvańnia, a taksama miedal volnaha hramadstva «Za žaleznuju volu i zachavańnie vysokaj maralnaści» byli pieradadzienyja pasłu Biełarusi ŭ Rasii Iharu Pietryšenku 17 listapada ŭ pasolstvie Biełarusi ŭ Maskvie na sustrečy sa staršynioj savieta DRHA «Uździeni Dahiestana» Kierymchanam Umachanavym.
U Dahiestanie ŭździeniami nazyvali sasłoŭje volnych ludziej, pasialan, jakija žyli abo samastojnymi sielskimi supołkami, abo znachodzilisia ŭ padparadkavańni roznych vaładaroŭ na pravach paddanstva. U pierakładzie «ŭździeń» aznačaje «toj, chto žyvie sam pa sabie».
«Prysvojvajučy vašamu lidaru vysokaje zvańnie, my vykazali ahulny nastroj dumak dahiestanskaha volnaha hramadstva adznačyć jaho asabisty ŭkład u toje, što Biełaruś stała ŭzoram družby narodaŭ i roskvitu nacyjanalnych kultur nie tolki ŭ Jeŭropie, ale i va ŭsim śviecie», — adznačyŭ Kierymchan Umachanaŭ.
Akramia siertyfikata i miedali, pradstaŭnik Dahiestana pieradaŭ pasłu Biełarusi dla Alaksandra Łukašenki burku, šablu i papachu, paviedamlaje RIA «Dahiestan».
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie17
Kamientary