V.a. dyrektara «Ukrenierha» Usievaład Kavalčuk zajaviŭ u efiry ŭkrainskaha telebačańnia, što padaču elektraenierhii ŭ abiastočany Krym płanujecca častkova adnavić ŭžo ŭ sieradu.
Pa słovach Kavalčuka, padača elektryčnaści adnovicca adrazu paśla ramontu apory adnoj ź linij elektrapieradačy. U «Ukrenierha» ličać, što jana dazvolić zadavolić kala 40% patrebaŭ paŭvostrava ŭ elektryčnaści.
Kavalčuk udakładniŭ, što ramont paškodžanaj linii abydziecca bolš čym u 120 tysiač dalaraŭ.
Raniej ukrainskija ŭłady zajaŭlali, što enierhazabieśpiačeńnie adnoviać na praciahu niekalkich dzion. Takoha ž mierkavańnia prytrymlivaŭsia były kiraŭnik miedžlisa krymskich tataraŭ Mustafa Džamileŭ.
Apory dvuch z čatyroch ukrainskich linij elektrapieradačy, jakija viaduć u Krym, ranicaj 20 listapada byli ŭzarvanyja nieviadomymi. Paźniej u toj ža dzień vyjšli z ładu dźvie pakinutyja ŁEP, što pryviało da enierhietyčnaha kryzisu na paŭvostravie.
Dostup da paškodžanym aporam zabłakavali aktyvisty, jakija arhanizavali błakadu Kryma ŭ znak pratestu suprać jaho dałučeńnia da Rasii. Niekalkich aktyvistaŭ zatrymali paśla sutyknieńniaŭ z ukrainskaj milicyjaj.
U Krymie ŭviedzieny režym nadzvyčajnaj situacyi. Ŭłady zapuścili reziervovyja hienieratary, ale ŭsio roŭna na paŭvostravie bieź śviatła zastajecca kala miljona čałaviek.
Kamientary