U najbujniejšych haradach ZŠA ŭzmocnieny miery biaśpieki ŭ suviazi ź sieryjaj teraktaŭ u stalicy Francyi. Režym pavyšanaj hatoŭnaści ŭviedzieny ŭ pieršuju čarhu ŭ Ńju-Jorku, Bostanie (štat Masačusets), Majami (štat Fłaryda), Čykaha (štat Ilinojs), Łos-Andželesie (štat Kalifornija).
Mer Ńju-Jorka Bił de Błazia rasparadziŭsia «vydzielić dadatkovyja resursy» na achovu pastajannaha pradstaŭnictva Francyi pry AAN, hienkonsulstva i inšych ustanoŭ, jakija majuć dačynieńnie da Piataj respubliki. U stan pavyšanaj hatoŭnaści pryviedzieny śpiecpadraździaleńnie pa baraćbie z teraryzmam Upraŭleńnia palicyi Ńju-Jorka, asablivaja taktyčnaja aŭtahrupa i atrady «Hierkules». Jak udakładniŭ de Błazia, zusim niadaŭna aŭtahrupa była daŭkamplektavana za košt 400 supracoŭnikaŭ, i heta daloka nie ŭsio, što majecca ŭ reziervie i padrychtavana paśla teraktaŭ 11 vieraśnia 2001 hoda.
Ź viečara piatnicy ŭzmocniena patrulavańnie ŭ najbolš ludnych miescach Manchetena. Tak, na znakamitaj Tajms-skvier vystaŭleny palicejskija u formie, jakija stajać u pierymietry mietaličnych zaharod i viaduć nazirańnie adnačasova na 360 hradusaŭ. Ich za miežami pierymietra strachujuć ich kalehi.
Pa śviedčańni telekampanii CNN, taki farmat niasieńnia słužby ŭ miehapolisie jašče nie nazirali.
«Horad pastajanna napahatovie, my vielmi ciesna ŭzajemadziejničajem z našymi fiederalnymi kalehami, ź ministerstvam nacyjanalnaj biaśpieki, FBR i h.d. Tamu my zaŭsiody napahatovie, ale kožny raz, kali adbyvajucca takija terakty, heta słužyć nam novym napaminam pra nieabchodnaść być hatovymi, być pilnymi i padstrachavacca ŭ miescach najbolšaj vierahodnaści ździajśnieńnia teraktaŭ», — zajaviŭ mer de Błazia.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary