Alaksandr Łukašenka, vystupajučy siońnia na śviatočnym kancercie «Razam u novy dzień» z nahody ŭstupleńnia na pasadu prezidenta Respubliki Biełaruś, zajaviŭ, što vybary dla jaho zakončylisia napiaredadni vybaraŭ.
«Niama toj zały, u jakuju my mahli b zaprasić usich tych, chto dušoj i sercam, pracaj dakranuŭsia da hetaj vielmi važnaj palityčnaj kampanii», — skazaŭ kiraŭnik dziaržavy. Pry hetym jon adznačyŭ, što mnohija, napeŭna, tak jašče i nie zrazumieli hetaj kampanii. «Vy prosta nie zrazumieli, što vy ździejśnili, jak vy zrabili hety dzień i budučyniu našaj krainy», — skazaŭ Alaksandr Łukašenka.
Jon padkreśliŭ, što byŭ dobra infarmavany ab chodzie vybarčaj kampanii, choć i nie moh umiešvacca ŭ jaje chod. «Ja papiaredziŭ kiraŭnikoŭ majho štaba, Administracyi prezidenta, hubiernataraŭ, inšych, chto mieŭ dačynieńnie da kampanii, skazaŭšy ab tym, što vybary dla mianie zakončylisia napiaredadni vybaraŭ, vybary hetyja buduć vašy, vy ich pavinny pravieści, kab nichto nie pakazaŭ palcam u naš bok, što ŭ nas dyktatura i nikomu nie dajuć rot adkryć. Ja vielmi pilna naziraŭ za rabotaj u rehijonach — ad viosak da stalicy. Dzie b ja ni znachodziŭsia, ja byŭ infarmavany, jak idzie rabota ŭ pieradvybarnych štabach», — padkreśliŭ kiraŭnik dziaržavy.
Jon adznačyŭ važnaść taho, što vybarčaja kampanija prajšła cicha i spakojna. «Toje, što narod pryjšoŭ cicha i pakazaŭ, chto ŭ domie haspadar, nie značyć, što nie było toj vialikaj raboty, kałasalnaj pracy pa arhanizacyi pieradvybarnaj kampanii», — padkreśliŭ jon.
Jon jašče raz vykazaŭ słovy ŭdziačnaści ŭ adras vybarščykaŭ, jakija padtrymali jaho na vybarach: «Ja, napeŭna, nie znajdu tych słoŭ, kab padziakavać usim vam tak, kab vy adčuli, jak ja vam udziačny za toje, što my zrabili. I nie tolki tamu, što vy sadziejničali vybrańniu mianie prezidentam, nie ŭ hetym sprava. Hałoŭnaje, što vy prymusili ŭvieś śviet pryznać sumlennaść vybaraŭ i prymusili ŭvieś śviet havaryć pra Biełaruś».
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary