U Bielhii na niepracujučym błoku AES «Dul» adbyŭsia vybuch. Jak paviedamlaje RIAN, za im adbyłosia ŭzharańnie.
Pradstaŭnica kampanii Electrabel, jakaja absłuhoŭvaje stancyju, zajaviła, što nichto nie paciarpieŭ. «Vybuchnuŭ transfarmatar na padstancyi AES, u vyniku čaho pačaŭsia nievialiki pažar, jaki byŭ łakalizavany na praciahu hadziny», — raspaviała Elze De Klerk. Udakładniajecca, što pahrozy radyjeaktyŭnaha zaražeńnia niama, evakuacyja nie pravodziłasia. Pryčyny zdareńnia vyśviatlajucca.
U kampanii padkreślivajuć, što incydent nie paŭpłyvaje na zabieśpiačeńnie elektraenierhijaj ŭ Bielhii, piša Le Soir. U lutym 2015 błok AES «Dul», na jakim adbyŭsia vybuch, byŭ adklučany. Heta było zroblena ŭ suviazi sa skančeńniem 40-hadovaha terminu słužby błoka.
«Dul» — najstarejšaja AES Bielhii, raźmieščanaja ŭ vuście raki Šelda na poŭnačy krainy. Pieršyja reaktary na joj byli zapuščanyja ŭ 1975 hodzie. Usiaho ŭ Bielhii funkcyjanuje siem reaktaraŭ, jakija zabiaśpiečvajuć kala 55% ad patrebnaha dziaržavie abjomu elektraenierhii.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju4
Kamientary