Hałoŭny redaktar Uładzimier Bieražkoŭ spadziajecca ŭ sudzie Centralnaha rajonu stalicy abaranić svoj honar, hodnaść i dziełavuju reputacyju.
U numary «Sportivnoj panoramy» ad 13 sakavika było nadrukavanaje interviju z dyrektaram NDI fizyčnaj kultury i sportu A.Bondaram pad nazovam «Sensacyja druhoj śviežaści». Siarod inšaha surazmoŭca adznačyŭ: «U 1996 hodzie, kali Ryžankova (pieršy ministar sportu Biełarusi — NN) nia stała, paśla Hulniaŭ u Atłancie prachodziŭ Alimpijski schod. Bieražkoŭ vybačyŭsia za žorstkuju krytyku hetaha čałavieka, pryznaŭšy častkovuju vinu ŭ jahonaj śmierci».
Bieražkoŭ patrabuje: 1) Vyznačyć u sudovym paradku aŭtara artykułu, jaki padpisany «naš kar.», kab pryciahnuć jaho da adkaznaści; 2) Abvierhnuć u hazecie hetuju infarmacyju; 3) Spahnać z adkazčyka 50 miljonaŭ rubloŭ maralnaj kampensacyi.
Sam Uładzimier Bieražkoŭ tak prakamentavaŭ rašeńnie źviarnucca ŭ sud:
«Mianie heta prosta abraziła. Kab źvieści sa mnoj i «Priessbołam» rachunki ŭ chadu idzie ŭsialakaja zbroja. Ja doŭha ciarpieŭ i nie paddavaŭsia na takija rečy, zapluščvaŭ vočy, ale bolš ciarpieć nie mahu. Mianie prosta heta kranuła i aburyła da hłybini dušy. Prosta nielha pierastupać praź śviatoje, praź niabožčyka. Nia važna, realna, ci nie realna vyjhrać hety sud. Zdajecca, i tak vidavočna, chto tut maje racyju. A nakolki chopić administacyjnaha resursu ŭ hetych čynoŭničkaŭ, nie maja sprava», — kaža U.Bieražkoŭ.
Nahadajem, što 28 lutaha arhkamitet NAK pazbaviŭ «Priessboł» dvuch akredytacyj na Alimpijskija Hulni ŭ Pekin. Pryčynaj staŭsia artykuł Śviatłany Paramyhinaj «Alimpijskaja śmietnica». U materyjale žurnalistki havorka išła akurat pra finansavyja machinacyi ŭ NDI fizyčnaj kultury i sportu.
U padtrymku «Priessboła» ŭžo vykazalisia niekalki dziesiatkaŭ byłych i siońnišnich medalistaŭ Alimpijadaŭ i čempijanataŭ śvietu.
Ciapier čytajuć
Z čornaha śpisu artystaŭ prybrali try hurty. Dazvolili navat «Kino»4
Z čornaha śpisu artystaŭ prybrali try hurty. Dazvolili navat «Kino»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary