Alaksandr Łukašenka siońnia, prymajučy z dakładam staršyniu Kamiteta dziaržaŭnaj biaśpieki Valeryja Vakulčyka, pastaviŭ zadaču žorstka spyniać dziejnaść u śfiery cieniavoj ekanomiki, paviedamili ŭ pres-słužbie biełaruskaha lidara.
Kiraŭnik dziaržavy pastaviŭ zadaču pa arhanizacyi strohaj raboty, nakiravanaj na vyjaŭleńnie i spynieńnie dziejnaści ŭ śfiery cieniavoj ekanomiki, u tym liku słužbovych asob, jakija majuć dačynieńnie da hetaha. Kanstatavałasia, što ŭdzielniki «šerych» schiem vyvodziać z abarotu srodki, nie vypłačvajuć padatki i atrymlivajuć vializny prybytak.
Jak było dałožana Łukašenku, takaja rabota pačata ŭžo. U pryvatnaści, 19 kastryčnika ŭ Breście zatrymana 13 asob ź liku arhanizataraŭ takoj dziejnaści — zasnavalnikaŭ i kiraŭnikoŭ ZAT «Konsuł». Apošniaje źjaŭlajecca adnym z bujniejšych pastaŭščykoŭ pradukcyi dla ahrapramysłovaha kompleksu respubliki (zamiežnyja charčovyja dabaŭki, šrot, dezynficyrujučyja srodki, plemiannaja žyvioła, abstalavańnie i inš.). Vykarystoŭvajučy bolš za 40 padkantrolnych firm, arhanizatary vyvodzili za miažu valutu, uchilalisia ad vypłaty padatkaŭ i realizoŭvali pradukcyju kančatkovamu spažyŭcu z zavyšeńniem cany da troch razoŭ.
Akramia taho, na terytoryi Biełarusi vyjaŭlena i kanfiskavana 36 piačatak zamiežnych kampanij, praz rachunki jakich ažyćciaŭlałasia kiravańnie cieniavymi patokami. Praviedziena 48 pieratrusaŭ, u chodzie jakich kanfiskavana i nakładzieny aryšt uvohule bolš jak na $2 młn. Akramia taho, aryšty nakładzieny na 106 abjektaŭ nieruchomaj majomaści, bolš za 100 lehkavych i hruzavych aŭtamabilaŭ.
-
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień
-
Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu
-
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary