Аляксандр Лукашэнка сёння, прымаючы з дакладам старшыню Камітэта дзяржаўнай бяспекі Валерыя Вакульчыка, паставіў задачу жорстка спыняць дзейнасць у сферы ценявой эканомікі, паведамілі ў прэс-службе беларускага лідара.
Кіраўнік дзяржавы паставіў задачу па арганізацыі строгай работы, накіраванай на выяўленне і спыненне дзейнасці ў сферы ценявой эканомікі, у тым ліку службовых асоб, якія маюць дачыненне да гэтага. Канстатавалася, што ўдзельнікі «шэрых» схем выводзяць з абароту сродкі, не выплачваюць падаткі і атрымліваюць вялізны прыбытак.
Як было даложана Лукашэнку, такая работа пачата ўжо. У прыватнасці, 19 кастрычніка ў Брэсце затрымана 13 асоб з ліку арганізатараў такой дзейнасці — заснавальнікаў і кіраўнікоў ЗАТ «Консул». Апошняе з'яўляецца адным з буйнейшых пастаўшчыкоў прадукцыі для аграпрамысловага комплексу рэспублікі (замежныя харчовыя дабаўкі, шрот, дэзынфіцыруючыя сродкі, племянная жывёла, абсталяванне і інш.). Выкарыстоўваючы больш за 40 падкантрольных фірм, арганізатары выводзілі за мяжу валюту, ухіляліся ад выплаты падаткаў і рэалізоўвалі прадукцыю канчатковаму спажыўцу з завышэннем цаны да трох разоў.
Акрамя таго, на тэрыторыі Беларусі выяўлена і канфіскавана 36 пячатак замежных кампаній, праз рахункі якіх ажыццяўлялася кіраванне ценявымі патокамі. Праведзена 48 ператрусаў, у ходзе якіх канфіскавана і накладзены арышт увогуле больш як на $2 млн. Акрамя таго, арышты накладзены на 106 аб'ектаў нерухомай маёмасці, больш за 100 легкавых і грузавых аўтамабіляў.
Цяпер чытаюць
Анжаліцы Мельнікавай выдалі пашпарт прыкрыцця на імя Ангеліны Радзівонавай?5
Каментары