Čatyroch anarchistaŭ, zatrymanych 11 kastryčnika, adpuścili ź milicyi biez nakiravańnia ŭ sud
Čatyroch ź piaci anarchistaŭ, jakich uviečary 11 kastryčnika zatrymali blizu Kastryčnickaj płoščy, vypuścili z Kastryčnickaha RUUS. Piaty jašče ŭ milicyi. Pra heta paviedamiła pravaabaronca, jakaja z ranicy 12 kastryčnika znachodziłasia ŭ Kastryčnickim sudzie Minska.
«Aktyvistaŭ u sud tak i nie pryvieźli. Na ich skłali pratakoły, ale, jak skazali ŭ milicyi, pratakoły patrabujuć vypraŭleńniaŭ, i tamu chłopcaŭ adpuścili. Kali buduć sudy, nie skazali. Tolki ŭziali ź ich raśpiski, što na pozvu jany źjaviacca. Los piataha z zatrymanych pakul nieviadomy, vyśviatlajem», — paviedamiła pravaabaronca.
Uviečary 11 kastryčnika niepadalok ad płoščy Niezaležnaści byli zatrymanyja 5 aktyvistaŭ anarchisckaha ruchu, jakija dałučylisia da stychijnaha šeścia ludziej, što pratestavali suprać falšavańnia vybaraŭ. Usiaho ŭ šeści ŭziało ŭdzieł kala sta čałaviek. Siarod zatrymanych byŭ 17-hadovy Jahor Skrabnieŭski, na jakoha milicyjanty skłali pratakoł i adpuścili.
Aktyvisty anarchisckaha ruchu, ź jakimi siońnia išoŭ razbor u Kastryčnickim RUUS, pažadali, kab ich imiony ŭ ŚMI nie nazyvalisia.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju4
Kamientary