U vieraśni 2015 hoda spažyvieckija ceny na tavary i pasłuhi ŭ Biełarusi vyraśli ŭ paraŭnańni sa žniŭniem na 1,3%, sa śniežniem 2014 hoda — na 9,2%, paviedamlaje pres-słužba Nacyjanalnaha statystyčnaha kamiteta.
Ceny na charčovyja tavary za miesiac vyraśli na 1,5%.
Najbolš istotna padaraželi: aharodnina — na 12%, sadavina — na 10%, alej (akramia aliŭkavaha) — na 8,9%, kandytarskija vybary — na 2,3%, čaj — na 1,7%, masła žyviolnaje, makaronnyja vyraby, krupy i babovyja — na 1,5%, jajki — na 1,4%.
Źnizilisia ceny na bulbu na 16,8%, na syry — na 0,2%, na małako i małočnyja pradukty — na 0,02%.
Ceny na niecharčovyja tavary ŭ vieraśni ŭ paraŭnańni sa žniŭniem pavialičylisia na 1,3%, z pačatku hoda — na 10,1%. Bolš za ŭsio padaraželi: abutak — na 2%, parfumierna-kaśmietyčnyja vyraby — na 1,9%, miedykamienty — na 1,7%, adzieńnie — na 1,6%, bytavyja elektraprybory —- na 1,4%, mebla — na 1,3%.
Źnižeńnia cen na niecharčovyja tavary ŭ vieraśni nie zafiksavanaje.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju4
Kamientary