Nobieleŭski łaŭreat pa litaratury 2015 Śviatłana Aleksijevič nie maje źviestak, kab dać pazityŭnuju acenku taho, što adbyvajecca va Ukrainie.
Takoje mierkavańnie vykazaŭ žurnalistam pres-sakratar prezidenta RF Dźmitryj Piaskoŭ, adkazvajučy na prośbu prakamientavać zajavu piśmieńnicy ab tym, što kanflikt va Ukrainie źjaŭlajecca akupacyjaj.
«Napeŭna, usie jaje vinšujuć z prysudžeńniem Nobieleŭskaj premii. Ale, vidać, Śviatłana prosta nie vałodaje ŭsioj infarmacyjaj, kab dać pazityŭnuju acenku taho, što adbyvajecca va Ukrainie», — skazaŭ jon.
Piaskoŭ taksama vykazaŭ sumnieŭ, «što prezident u kursie hetaj zajavy», paviedamlaje TASS.
Siońnia padčas pres-kanfierencyi ŭ «Našaj Nivy» Śviatłana Aleksijevič čarhovy raz nazvała anieksiju Kryma akupacyjaj. Rasijskaja ŭłada, pavodle jaje mierkavańnia, spravakavała 86% svaich hramadzian na toje, što jany śmiajucca z padziej na Danbasie. Postsavieckuju prastoru piśmieńnica nazvała «krainaj sałdat, viadomych i padpolnych sałdat». Paćviardžeńnie tamu — vajennaja apieracyja Rasii ŭ Siryi.
Ciapier čytajuć
Historyja 12‑hadovaj Viery ŭ minskaj infiekcyjnaj balnicy nastolki ŭraziła biełarusaŭ, što ciapier čarha z achvotnych dapamahčy4
Kamientary