Kab spynić pjanaha kiroŭcu, jaki niośsia pa trasie Miensk-Mikaševičy z chutkaściu 180 km/h i 40 chvilinaŭ uciakaŭ ad milicyjantaŭ sa Słucku ŭ kirunku stalicy, inspektary DAI pieraharadzili darohu lehkavymi aŭtamabilami, nie vysadziŭšy adtul ludziej. Pry hetym daišniki nia vykarystali ŭłasnyja mašyny, paviedamlaje hazeta «Avtobiźnies-Weekly».
Kab spynić pjanaha kiroŭcu, jaki niośsia pa trasie Miensk-Mikaševičy z chutkaściu 180 km/h i 40 chvilinaŭ uciakaŭ ad milicyjantaŭ sa Słucku ŭ kirunku stalicy, inspektary DAI pieraharadzili darohu lehkavymi aŭtamabilami, nie vysadziŭšy adtul ludziej. Pry hetym jany nia vykarystali ŭłasnyja mašyny, paviedamlaje hazeta «Avtobiźnies-Weekly».
Numar hazety maje vyjści ŭ čaćvier 13 sakavika.
Zdareńnie adbyłosia 2 sakavika na 8-m kilametry trasy Miensk-Mikaševičy.
Pavodle hazety, kab spynić parušalnika, što na vialikaj chutkaści na praciahu 40 chvilinaŭ uciakaŭ ad milicyjantaŭ sa Słucku ŭ kirunku Miensku, inspektary DAI pieraharadzili darohu lehkavymi aŭtamabilami.
Sa słovaŭ ludziej, što znachodzilisia ŭ mašynach, im prosta zahadali spynicca na darozie kožnamu ŭ svajoj pałasie i nie dazvolili vyjści z aŭto. Parušalnik ža na «Falksvahienie Holfie» nie spyniŭsia i na vialikaj chutkaści ŭrezaŭsia ŭ adzin z aŭtamabilaŭ i začapiŭ druhi. U aŭtamabili, na jaki pryjšoŭsia samy mocny ŭdar, znachodziłasia trochhadovaje dzicia.
U vyniku sutyknieńnia niekalki čałaviek paciarpieli, adzin ź ich atrymaŭ čerapa-mazhavuju traŭmu. Paciarpiełyja śćviardžajuć, što DAIšniki mieli dva specaŭtamabili, ale nie skarystalisia imi. Paciarpiełyja źviarnulisia ŭ Centar pravoŭ čałavieka da jaho kiraŭnicy advakatki Viery Stramkoŭskaj.
Advakatka paviedamiła nn.by, što ŭ aŭtorak 11 sakavika ŭdzielniki DTZ źviarnulisia da prakurora Miensku sa skarhaj na dziejańni supracoŭnikaŭ DAI. Pavodle jaje słoŭ, aficyjnaj reakcyi z boku DAI pakul niama.
Va Ŭpravie DAI Mienskaj vobłaści karespandentu «NN» paraili źviarnucca ŭ adździeł ahitacyi i prapahandy. Supracoŭnik adździełu adkazaŭ, što incydentam zajmałasia DAI horadu Miensku. Dziažurny mienskaha haradzkoha DAI paviedamiŭ, što treba źviartacca ŭ adździeł ahitacyi i prapahandy, maŭlaŭ, tam buduć usio viedać. Supracoŭnica adździełu zajaviła, što pra avaryju na 8‑m kilametry trasy Miensk‑Mikaševičy daviedałasia ad žurnalistaŭ, jakija siońnia pačali zvanić. Pavodle jaje słovaŭ, 8‑y kilametar vyšejpamianionaj darohi adnosicca da kampetencyi abłasnoj upravy DAI, a tamu pa kamentary treba źviartacca da mienavita tudy. Koła zamknułasia.
Kiroŭca aŭto, za jakim hnalisia DAIšniki, atrymaŭ cialesnyja paškodžańni i znachodzicca ŭ adnoj ź mienskich bolnic. Paciarpieli taksama troje jahonych pasažyraŭ. Kiroŭca raniej pryciahvaŭsia da kryminalnaj i administracyjnaj adkaznaści, u tym liku i za kiravańnie aŭtamabilem biez vadzicielskaha paśviedčańnia.
Pavodle jahonych słovaŭ, sutyknieńnie aŭtamabila «Falksvahien Holf», za rulom jakoha jechaŭ pjany kiroŭca, z mašynami ludziej, što jechali ŭ Miensk, a taksama aŭtamabilami supracoŭnikaŭ DAI, adbyłosia ŭ vyniku taho, što kiroŭcy hramadzianskich aŭto, spyniŭšy svaje transpartnyja srodki, niapravilna zrazumieli žest supracoŭnika DAI, jaki patrabavaŭ praciahvać ruch u kirunku Miensku.
Tym časam kiraŭnik Ministerstva ŭunutranych spraŭ Uładzimier Navumaŭ zajaviŭ pra hatoŭnaść pakarać supracoŭnikaŭ DAI, jakija pastavili pad śmiarotnuju pahrozu žyćcio ludziej, paviedamlaje «Interfaks».
«Nieŭzabavie materyjały razhladu pa dadzienym fakcie, jakoje pravodzicca ŭ ramkach MUS, buduć pieradadzienyja ŭ prakuraturu. Adnačasova prakuratura viadzie razhlad u suviazi sa zvarotam paciarpiełych u dadzienym incydencie hramadzian. Kali vinavatymi apynucca supracoŭniki DAI, jany buduć, biezumoŭna, pakaranyja", zajaviŭ ministar.
Zdareńnie aktyŭna abmiarkoŭvajecca na forumie sajtu hazety «Avtobiźnies-Weekly» i na staroncy internet-supołki Minsk_by.
Kamientary