U Minskaj vobłaści školnik dapamoh zatrymać piedafiła.
Jak paviedamlaje UUS Minskaha abłvykankama, u kancy žniŭnia 11-hadovy vučań adnoj sa škoł Zasłaŭja raskazaŭ baćku ab tym, što na praciahu apošnich niekalkich dzion u sacyjalnaj sietcy «VKontaktie» ź im pierapisvajecca nieznajomy mužčyna. Mała taho, padazrony čałaviek prapanavaŭ chłopčyku sustrecca.
Baćka chłopčyka — apieratyŭny supracoŭnik hałoŭnaha ŭpraŭleńnia pa narkakantroli i procidziejańni handlu ludźmi MUS zrazumieŭ, što razmova moža iści ab surjoznym złačynstvie. Padčas sustrečy va ŭmoŭlenym miescy mužčyna byŭ zatrymany. Im akazaŭsia 28-hadovy nidzie nie pracujučy žychar Minska. Mužčyna nie zmoh vyrazna rastłumačyć mety sustrečy z małaletnim dziciem.
Vyvučeńnie mabilnaha telefona zatrymanaha i inšyja apieratyŭna-vyšukovyja mierapryjemstvy pakazali, što na praciahu niekalkich miesiacaŭ mužčyna pierapisvaŭsia ź niekalkimi małaletnimi chłopčykami. Uvajšoŭšy ŭ davier, jon prapanoŭvaŭ niekatorym ź ich sustrecca ŭ małaludnych miescach, abiacajučy za heta pieravieści na ich rachunki ŭ internet-hulniach virtualnyja hrošy — tak zvanyja «bonusy».
Papiarednie ŭstanoŭlena, što jak minimum u dačynieńni da adnaho z małaletnich chłopčykaŭ mužčyna pry sustrečy ŭčyniŭ hvałtoŭnyja dziejańni sieksualnaha charaktaru.
Upraŭleńniem SK pa Minskaj vobłaści ŭ dačynieńni da zatrymanaha rasśledujecca sprava pa č. 3 art. 167 KK. Pravodziacca dalejšyja śledčyja dziejańni i apieratyŭna-vyšukovyja mierapryjemstvy.
Načalnik upraŭleńnia pa narkakantroli i procidziejańni handlu ludźmi UUS Minskaha abłvykankama padpałkoŭnik milicyi Aleh Silviestrovič naviedaŭ škołu, dzie vučycca chłopčyk, jaki dapamoh zatrymać niebiaśpiečnaha złačyncu. U prysutnaści adnakłaśnikaŭ padziakavaŭ jamu za sadziejańnie milicyi i ŭznaharodziŭ kaštoŭnym padarunkam — mabilnym telefonam.
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču23
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz4545
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz45
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary