Ad leta da hramadzianaŭ, jakija admaŭlajucca ŭstanaŭlivać prybory ŭliku vady, buduć prymacca «administracyjnyja abo inšyja» miery ŭździejańnia.
Kamunalnyja słužby Minska majuć namier prymać miery ŭździejańnia da hramadzian, jakija admaŭlajucca ŭstanaŭlivać prybory ŭliku raschodu haračaj i chałodnaj vady. Ab hetym paviedamiŭ načalnik adździeła enierhietyki Minharvykankama siońnia na pres‑kanfierencyi ŭ meryi.
Pavodle jaho słoŭ, heta buduć administracyjnyja abo inšyja miery.
«Pierad ŽREA Minska pastaŭlena zadača da červienia ŭstanavić prybory va ŭsich žadajučych. Zatym pačniecca rabota z prablemnaj katehoryjaj», — padkreśliŭ pradstaŭnik Minharvykankama.
U asnoŭnym nie žadajuć stavić prybory ŭliku hramadzianie, u jakich jość zapazyčanaści pa apłacie žyllova‑kamunalnych pasłuh, kanstatavaŭ Anatol Łaŭničuk. Prablematyčna taksama idzie hety praces u kvaterach małazabiaśpiečanych haradžan, piensijanieraŭ, a taksama ŭ damach, jakija padlahajuć znosu. U cełym amal 40 tys. uładalnikaŭ kvater admaŭlajucca ŭstanaŭlivać ličylniki.
Śpiecyjalist udakładniŭ, što ciapier u stalicy pryborami ŭliku asnaščana 460 tys. kvater (77 pracentaŭ), zastałosia abstalavać ličylnikami 155 tys.
Kamientary