U Minsku arhanizavali zboračnuju vytvorčaść viełamabilaŭ FOTA
Heta kopija anhlijskaj viełamašyny kampanii Morgan. Košt — ad 3 tysiač dołaraŭ, pradavać ich źbirajucca ŭ Jeŭrapiejski sajuz i ZŠA.
Kopiju anhlijskaj trochkołavaj viełamašyny kampanii Morgan pačali źbirać u Biełarusi. Pakul hety aŭtamabil ruchajecca z dapamohaj piedalaŭ pa pryncypie rovara. Jon moža raźvivać chutkaść da 40 kiłamietraŭ za hadzinu, uklučajucca pavarotniki i fary, pracujuć try pieradačy chutkaści.
«Hety viełamabil - kopija anhlijskaj retra-mašyny, jakaja vypuskałasia ŭ 1920-ch hadach. My vyrašyli zrabić takuju kopiju, kab jon hladzieŭsia jak aŭtamabil, a ruchacca možna było z dapamohaj piedalaŭ ci elektryčnaha ruchavika», - tłumačyć Rusłan Tryhubovič, dyrektar kampanii «Ekamabil».
Košt adnoj mašyny ad 3 tysiač dołaraŭ, z elektryčnym ruchavikom jana abydziecca daražej. Admysłovyja pravy ci dazvoł nie patrebnyja, navat kali pastavić na jaje elektraruchavik.
«My hladzieli pa zakonach, na im možna jeździć navat z elektraruchavikom, ale pa vieładarožkach. Tamu my bolš raźličvajem na jeŭrapiejskaha pakupnika, tam možna jeździć pa darohach».
Mašyny źbirajuć pa ŭłasnych raspracoŭkach, ramy varać zvarščyki, mietaličnyja elemienty addajucca na afarboŭku.
Pakul nivodnuju mašynu nie nabyli, ale vytvorcy naładžvajuć kantakty ź jeŭrapiejskimi i amierykanskimi dylerami. U Rasii dyler užo jość, ale i tam pakul nie nabyvali. Jość cikaŭnaść u Narviehii, Anhlii, Francyi.
Sprabujem prakacicca na kopii anhlijskaha retra-mabila. U sałonie jość navat ručnik i ŭklučalniki pavarotnikaŭ. Samaje składanaje — kranacca ź miesca pad horku: pakul na viełamabili tolki try pieradačy.
U vyniku ŭsio ž jedziem, rul dobra reahuje na pavarotach, a voś z tormazam raźbirajemsia nie adrazu, akazvajecca, tarmazić treba piedalami nazad, jak u starym «Buśle». Ale vytvorcy źbirajucca heta dapracavać.
Viełamabili sprabavali vystaŭlać naprakat na ŭźbiarežžy Śvisłačy, ale paśla vyrašyli ich prosta pradavać, bo prakat nie daŭ dobraha vyniku.
«U Zachodniaj Jeŭropie na takich viełamabilach ludzi mohuć jeździć na pracu, heta ŭžo jak styl žyćcia, takoje myśleńnie», - dadaje Rusłan Tryhubovič.
Pakul u najmieńni jość tolki kopii anhlijskich mašyn, ale paźniej vytvorcy chočuć zrabić viełamabili pa svaich ułasnych raspracoŭkach.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary