U Polščy znajšli zhubleny z časoŭ Druhoj suśvietnaj vajny ciahnik z skarbami nacystaŭ: kaštoŭnymi kamianiami i zbrojaj. Pra heta ŭ sieradu, 19 žniŭnia, paviedamlaje Reuters, spasyłajučysia na słovy polskich čynoŭnikaŭ.
Miascovyja ŭłady ŭ paŭdniovym horadzie Polščy Vałbžych raspaviali, što jany źviazalisia ź jurydyčnaj firmaj, jakaja pradstaŭlaje intaresy dvuch čałaviek. Jany, pa ich słovach, znajšli ciahnik sa skarbami nacystaŭ i patrabujuć 10% ad znojdzienaha.
«Z hetym raźbirajucca jurysty, armija, palicyja i pažarnyja. Na hetaj terytoryi jašče ni razu nie vialisia raskopki, tamu my nie viedajem, što možam tam znajści», — raspavioŭ ahienctvu pradstaŭnik haradskoj administracyi Marek Takarski.
Ahienctva, spasyłajučysia na miascovyja ŚMI, paviedamlaje, što ciahnik źnik u 1945 hodzie. Jon byŭ nahružany roznymi trafiejami i kaštoŭnaściami z horada Bresłaŭ (ciapier Vrocłaŭ). Ich pačali vyvozić z horada paśla taho, jak da jaho padyšła Čyrvonaja armija.
Ciahnik, zhodna z haradskoj lehiendaj, byŭ schavany ŭ tuneli kala zamka Ksionž kala hor Nižniaj Silezii. Paźniej tunel byŭ začynieny, pra jaho na doŭhi čas zabylisia.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym6
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary