Paćvierdžana śmierć 112 čałaviek, 95 ličacca źnikłymi bieź viestak. Pryčym 85 sa źnikłych — heta pažarnyja, piša ahienctva Rojterz.
Ratavalniki zahinuli, kali adbylisia paŭtornyja vybuchi i ŭzharańni.
Niekatoryja ŚMI śćviardžajuć, što pryčynaj paŭtornych vybuchaŭ stała hašeńnie pažaru vadoj, jakaja ŭstupiła ŭ vybuchovyja chimičnyja reakcyi z taksičnymi rečyvami, što zachoŭvalisia na partovym składzie.
Dakładnaja pryčyna vybuchaŭ i nazvy rečyvaŭ, što ŭzarvalisia, kitajskija kamunistyčnyja ŭłady jašče nie paviedamili.
Bolš za 700 čałaviek byli paranieny, kala 6000 pryjšłosia evakujavać: dym z portu zastajecca taksičny.
Vybuch byŭ adnym z najmacniejšych nieatamnych uzryvaŭ u historyi čałaviectva. Jaho zafiksavali navat amierykanskija siejsmołahi.
Pramysłovyja katastrofy — nie redkaść u Kitai, dzie standartami biaśpieki časta achviaravali dziela rostu abjomaŭ vytvorčaści.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary