U hetym hodzie samy atmaśfierny i dušeŭny fiestyval leta projdzie 8-ha žniŭnia na zialonym łuzie nasuprać Mirskaha Zamka. Arhanizatary ŭžo abjavili poŭny śpis muzykaŭ, jakija vystupiać na feście.
«Razynačkaj» fiestyvalu budzie prajekt ONUKA. Ukrainski elektra-fołk hurt, jaki staŭ samym jarkim i paśpiachovym adkryćciem na ŭkrainskaj scenie ŭ 2014 hodzie.
Prodažy i rejtynh ich debiutnaha alboma ŭ iTunes apiaredzili hrupu «Akijan Elzy». ONUKA — heta nievierahodny sintez elektroniki i fołku.
Jašče adzin hość z Ukrainy — heta DaKooka. Talenavitaja vakalistka, aŭtar i vykanaŭca, pianistka i dj. Jaje tvorčaść – heta sintez roznych muzykalnych kirunkaŭ: trip-hop, experimental, indie, pop, drum'n'bass. Niadaŭna DaKooka vypuściła svoj debiutny albom «Radha» i prezientuje jaho razam z DaKooka live band. Ich žyvyja vystupy — heta zaŭsiedy šoŭ, jakoje uražvaje da hłybini dušy, tamu prapuskać takoje nie rekamiendujem.
Na feście znoŭ vystupiać Nino Katamadze & Insight. U hetym hodzie jany prezientujuć asablivuju prahramu, tamu što vystupiać u supravadžeńni strunnaha kvartetu «N».
Vielmi cikavy rasijski hurt «NAADIA» taksama pryjedzie na Mirum. Hurt nazyvajuć samaj prykmietnaj źjavaj na niezaležnaj scenie Rasii za apošnija hady.
Biełaruś pradstaviać Shuma — vielmi cikavy muzykalny prajekt, unikalny dla biełaruskaj sceny. Darečy, 13 lipienia jany vypuścili debiutny albom «žnivo», jaki spałučyŭ u sabie narodnyja pieśni i sučasnuju jeŭrapiejskuju elektronnuju muzyku.
Za drajv na fiestyvali buduć adkazvać Nahual — šamanskija rok'n'rolščyki, etničnyja siurrealisty i prosto muzyki, jakija vypracoŭvajuć tonny enierhii. Nas čakaje novy prajekt Taćciany Haroška (aka Tanin Jazz) — Take the Cookies z aryhinalnym materyjałam u styli niu-dyska, słoŭ-dyska i indy ŭ spałučeńni z pryhožymi tekstami Aleny Arakielan. I jašče adzin hurt, jaki budzie radavać nas na fiestyvali — heta Dzierzynski bitz. Ukrainski kalektyŭ, jaki paśpiachova spałučaje ŭ svajej tvorčaści ramantyku, łosk sučasnaha ńju-viejvu, džazavyja akordy i nadzvyčajny šarm vintažnaha huku.
U hetym hodzie praduhledžana arhanizacyja bas-turaŭ z čatyroch haradoŭ: Bresta, Hrodna, Homiela i Mienska. Hości ź inšych haradoŭ zmohuć dajechać ź Miensku na maršrutnych taksi, a taksama na elektryčcy. Na fiestyvali budzie praduhledžana zona fud-korta. Užo viadoma, što ŭdzielnikami fud-kortu buduć štukarskaja piakarnia i cukiernia «Žorny», fałafieli «jeležžiele», čypsy, zroblenyja pa technałohii «śpiralnaja kartoška», tradycyjnia mirskija «Dranik-on-the-go»iašče šmat usialakaj najsmačniejšaj ježy i napitkaŭ. Arhanizatary abiacajuć, što hałodnym fiestyval nie pakinie nikoha. Zastacca na noč hości zmohuć u adnoj z troch ahrasiadzibaŭ i, jak i letaś, budzie prapanavana śpiecyjalnaja terytoryja pad namiotavy haradok.
Kvitki na fiestyval možna kupić na sajcie i ŭ kasach kvitki.by pa ŭsioj Biełarusi. Bolš infarma cyi pra fiestyval vy možacie znajści na aficyjalnym sajcie fiestyvalu mirummusicfestival.by, a taksama ŭ aficyjalnych supołkach fiestyvalu ŭ facebook i vkontaktie.
Kamientary