Pasiedžańni Kantaktnaj hrupy pa ŭrehulavańni situacyi va Ukrainie pačalisia 3 žniŭnia ŭ Minsku. Pieramovy praciahvalisia da nočy, nivodnaha dakumienta baki nie padpisali.
Jak paviedamiŭ pradstaŭnik ABSIE ŭ kantaktnaj hrupie Marcin Sajdzik, ciapier idzie praca vakoł pahadnieńnia ab advodzie tankaŭ, a taksama artyleryjskaj zbroi kalibram da 100 milimietraŭ i minamiotaŭ kalibram da 120 milimietraŭ.
Da nastupnaha tydnia budzie raspracavany hrafik rabot pa raźminiravańni i adnaŭleńniu čyhunačnaj infrastruktury Danbasa, paviedamiŭ žurnalistam Marcin Sajdzik.
«Pracoŭnaja hrupa pa ekanamičnych pytańniach dasiahnuła damoŭlenaści pa dvuch błokach pytańniaŭ.
Pieršaje — vodazabieśpiačeńnie. Damovilisia, što ekśpierty naviedajuć, vyvučać dva abjekty vodazabieśpiačeńnia ŭ Danieckaj i Łuhanskaj abłaściach. Ich bieśpierabojnaja praca ŭjaŭlaje cikavaść dla ŭsich bakoŭ, bo jany zabiaśpiečvajuć vadoj terytoryi pa abodva boki linii sudakranańnia.
Druhi błok — adnaŭleńnie čyhunačnaha ruchu. Da nastupnaha tydnia budzie raspracavany hrafik rabot pa raźminiravańni i adnaŭleńni čyhunačnaj infrastruktury na ŭčastku Nikitaŭka—Majorski. Dadzieny ŭčastak maje važnaje značeńnie dla ažyćciaŭleńnia pastavak vuhalu. Da adnaŭleńnia buduć pryciahnuty ŭsie baki.
Rabočaja hrupa pa humanitarnych pytańniach pryjšła da adzinaj dumki ab nieabchodnaści chutčejšaha adnaŭleńnia pracy kantrolna-prapusknych punktaŭ praź liniju sudakranańnia ŭ Łuhanskaj vobłaści, jakija na dadzieny momant zakryty dla ruchu cyvilnaha nasielnictva i aŭtatranspartu», — skazaŭ Marcin Sajdzik.
Ciapier čytajuć
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj7
Kamientary