Upraŭleńniem Śledčaha kamiteta pa Minsku ŭstanaŭlivajucca akaličnaści darožna-transpartnaha zdareńnia, u jakim supracoŭniku Dziaržaŭtainśpiekcyi byli pryčynienyja cialesnyja paškodžańni.
Jak paviedamiŭ aficyjny pradstaŭnik USK pa Minsku Alaksandr Hierasimaŭ, ustanoŭlena, što 2 žniŭnia pryblizna ŭ 10.40 na 38-m kiłamietry MKAD minčaninam 1991 hoda naradžeńnia, jaki kiravaŭ aŭtamašynaj «Opiel-Viektra», byŭ učynieny najezd na inśpiektara darožna-patrulnaj słužby adździeła DAI Frunzienskaha RUUS, što vykonvaŭ słužbovyja abaviazki pa arhanizacyi darožnaj biaśpieki. Supracoŭnik milicyi z traŭmami špitalizavany i znachodzicca pad nazirańniem daktaroŭ.
Śledčymi apytany vadziciel i śviedki DTZ. Ź miesca zdareńnia ŭziatyja rečavyja dokazy. Pryznačanyja sudova-miedycynskaja, aŭtatechničnaja i trasałahičnaja ekśpiertyzy. Pavodle vynikaŭ miedycynskaha daśledavańnia ŭstanoŭlena, što vadziciel «Opiela» byŭ ćviarozy.
Kamientary