Chakiery dystancyjna źmianili cel snajpierskaj vintoŭki
Bo jana na Linux.
Amierykanskija śpiecyjalisty pa kampjutarnaj biaśpiecy ŭzłamali sistemu naviadzieńnia vintoŭki Tracking Point TP750, raspaviadaje Wired.
Vintoŭka maje sistemu naviadzieńnia, što źviazvajecca ź internetam dla dakładnaj karektyroŭki prycelvańnia. Chakiery ŭzłamali sistemu — vintoŭka «pamyliłasia» ŭ praliku balistyki i paraziła nie tuju cel.
«Bartavy kampjutar» vintoŭki pracuje na apieracyjnaj sistemie Linux, źviazvajecca ź internetam praz Wi-Fi ci LTE, kab apracavać infarmacyju z datčykaŭ pieramiaščeńnia i vietru. Strałok adznačaje cel knopkaj na spuskavym hačku, naciskaje na hačok i čakaje, pakul vintoŭka strelić u pravilny momant. Heta dazvalaje paražać celi na adlehłaści da 800 mietraŭ, što ruchajucca na chutkaści da 32 km/h.
Chakiery paśpiachova ŭzłamali sistemu, razabraŭšy adnu ź vintovak. Jany atrymali pravy administratara (root-dostup), a taksama daviedalisia pra standartny parol padklučeńnia da Wi-Fi, što nie mianiajecca na bolšaści vintovak. Chakiery mohuć nie tolki źbić sistemu naviadzieńnia, ale i ŭstalavać ułasny kod na dostup da strelby. Nie mohuć tolki strelić — kab nacisnuć na spuskavy hačok, patrebny fizičny ŭdzieł strałka.
Tracking Point TP750 pastupiła ŭ prodaž napačatku 2014 hoda. U zaležnaści ad madyfikacyi moža kaštavać da 50 tysiač dalaraŭ.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary