Režysior navapołackaha Pałaca mastactvaŭ, adzin ŭ pretendentaŭ na pasadu prezidenta Alaksandr Judajeŭ paćvierdziŭ, što jahony baćka pracavaŭ namieśnikam hiendyrektara «Naftana».
Ciapier Anatol Judajeŭ na piensii, adnak, pa słovach syna, jaho znoŭ buduć viartać na pracu.
«Majo rašeńnie iści ŭ prezidenty jon nie ŭsprymaje ŭsurjoz. Ličyć, što heta avantura», — pryznajecca syn-pretendent.
«Ja byŭ Jeŭropie. Tam jość pryhožyja harady, architekturnyja pomniki. Ale maralnaść tam u zaniapadzie. Rujnujucca siamiejnyja kaštoŭnaści. Maje siabry, jakija źjazdžali ŭ Jeŭropu, ciapier biahuć u Biełaruś. Jany nie razumiejuć hiendarnaj palicyi, juvienalnaj justycyi. Heta demaničnyja paniaćci, heta supiarečyć chryścijanskamu pravasłaŭju», — raskazvaje Judajeŭ.
«Ja nie słužyŭ u vojsku, tamu što spačatku ŭ mianie była vučoba. A potym ja atrymaŭ «bieły bilet», — pryznaŭsia jon. — Słužba ŭ vojsku nie adpaviadała maim pryncypam fiłasofii. Ja nie prymaju zabojstva».
Judajeŭ raskazvaje i pra svaje adnosiny da narkotykaŭ: «[Ja ŭžyvaŭ], ale heta było daŭno. Pieršy raz pasprabavaŭ u 21 hod. Ja — tvorčy čałaviek, mnie treba było pasprabavać heta, kab zrazumieć, jak z hetym potym zmahacca. Z nahody marychuany, darečy. Jana nanosić mienšuju škodu, čym ałkahol. Heta dyskusijnaje pytańnie, ci treba jaje zabaraniać. Jaje možna vykarystoŭvać u miedycynie, sielskaj haspadarcy. Ale ja ŭ svajoj prahramie nie staŭ pakazvać ničoha pra marychuanu. U nas u hramadstvie pakul zanadta šmat stereatypaŭ na hety kont».
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty41
Kamientary