Minsportu i turyzmu rekamienduje biełarusam ustrymacca ad pajezdak u Tunis

U suviazi z pačaščeńniem u Tunisie vypadkaŭ terarystyčnych aktaŭ, nakiravanych suprać zamiežnych turystaŭ, Ministerstva sportu i turyzmu rekamienduje biełarusam ustrymacca ad turystyčnych padarožžaŭ u hetuju krainu. 

«Razam z tym turystam, jakija znachodziacca na adpačynku ŭ Tunisie, rekamiendujecca prytrymlivacca maršrutu turystyčnaha padarožža ŭ adpaviednaści z nabytym turam i vykonvać dakładnyja ŭkazańni kiraŭnika turystyčnaj hrupy abo hida prymajučaha boku. Pry ŭźniknieńni situacyi niepieraadolnaj siły nie panikavać i kiravacca dakładnym instruktažam svajho kiraŭnika», — havorycca ŭ apublikavanym 2 lipienia paviedamleńni viedamstva. 

Pry namiery pakinuć krainu turystam nieabchodna źviarnucca da kiraŭnika turystyčnaj hrupy z prośbaj źviazacca pa hetym pytańni z nakiroŭvajučaj turystyčnaj kampanijaj.

Ministerstva nahadvaje, što, u adpaviednaści z zakanadaŭstvam, turysty, jakija zaklučyli dahavor akazańnia turystyčnych pasłuh i žadajuć zachavać zapłačanyja za tur hrošy, majuć prava źviarnucca ŭ svaju turystyčnuju kampaniju z prośbaj pierabraniravać tur na inšuju datu abo inšuju krainu. 

Kali pierabraniravać tur nie ŭjaŭlajecca mahčymym, turysty majuć prava admovicca ad turystyčnaha padarožža ŭ Tunis, dla čaho nieabchodna źviarnucca ŭ turkampaniju, ź jakoj zaklučany dahavor, z prośbaj skasavać dahavor i padać zajavu ab viartańni koštu tura, adznačajecca ŭ paviedamleńni. 

«Uličvajučy, što da padarožža moža zastavacca mała času, turystyčnyja kampanii mohuć utrymać z turystaŭ raschody, źviazanyja z arhanizacyjaj turaŭ. Pry hetym faktyčna paniesienyja raschody pavinny paćviardžacca dakumientalna i adlustroŭvać realnyja raschody turystyčnych kampanij, a nie prosta sumu raschodaŭ abo zaraniej zafiksavany ŭ dahavory pracent ad koštu tura», — prakamientavali ŭ ministerstvie. 

Pry niazhodzie turysta z sumaj faktyčna paniesienych raschodaŭ, vystaŭlenych turystyčnaj kampanijaj, turyst maje prava ich asprečyć, u tym liku ŭ sudovym paradku. 

Pry pastupleńni zvarotaŭ turystaŭ Minsportu rekamienduje turystyčnym kampanijam kiravacca normami zakona Biełarusi «Ab turyźmie», a taksama raździeła 9 Praviłaŭ akazańnia turystyčnych pasłuh, zaćvierdžanych pastanovaj Savieta ministraŭ Biełarusi ad 12 listapada 2014 hoda № 1064. 

Dadatkovuju kansultacyju, u tym liku pa pravavych pytańniach, turysty i turystyčnyja kampanii mohuć atrymać u śpiecyjalistaŭ departamienta pa turyźmie Ministerstva sportu i turyzmu. 

Nahadajem, raniej MZS rekamiendavała biełarusam vykonvać u Tunisie maksimalna mahčymyja miery pieraściarohi i ŭstrymacca ad naviedvańnia miescaŭ masavaha zboru ludziej.

• 0
• 0
• 0
• 0
• 0
• 0
• 0
• 0