U Kramli rasceńvajuć płany ŭkrainskich uładaŭ pradjavić maksimalna mahčymy lik pazovaŭ da RF u mižnarodnych sudach jak prajavu rusafobskaha nastroju.
«Heta jak raz, napeŭna, lišni raz paćviardžaje absalutna rusafobski nastroj, pazbaŭleny kanstruktyvizmu», — zajaviŭ žurnalistam pres-sakratar prezidenta RF Dźmitryj Piaskoŭ.
Piaskoŭ adznačyŭ, što prakamientavać pravamiernaść damahańniaŭ Kijeva pry hetym jon nie moža, pakolki pra jakija mienavita pazovy idzie havorka, nie paviedamlałasia. «Tam (u słovach premjera Ukrainy Arsienija Jacaniuka) navat nie havorycca pra niejkija kankretnyja spravy», — zaŭvažyŭ jon.
Nahadajem, premjer-ministr Ukrainy Arsienij Jacaniuk daručyŭ Ministerstvu justycyi pryciahnuć lepšych advakataŭ dla zvarotu ŭ mižnarodnyja sudy z pazovami suprać Rasii. Pra heta jon zajaviŭ u chodzie vyjaznoha pasiadžeńnia Ministerstva justycyi.
Na dumku premjera, takim čynam Ukraina moža kampiensavać strat ad anieksii Kryma i vajennych dziejańniaŭ na Danbasie.
Pa słovach Jacaniuka, nieabchodna pryciahnuć «na lubych umovach» lepšych advakataŭ śvietu dla chutčejšaha zvarotu ŭ sudy z maksimalnaj kolkaściu pazovaŭ suprać RF.
«Rasija pavinna panieści pakarańnie, jak hieapalityčnaje, tak i ekanamičnaje», — padkreśliŭ premjer.
Jon nahadaŭ, što ŭ mižnarodnych sudach znachodzicca ŭžo try pazovy Ukrainy suprać RF.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2121
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»21
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary