Navukoŭcy 17 hod nazirali za pjanstvam šympanze
Niekatoryja małpy vypivajuć dozy zabradziłaha soku, ekvivalentnyja poŭnaj butelcy vina.
Hviniejskija małpy navučylisia ŭžyvać ałkahol u dzikaj pryrodzie. Ab hetym kažuć nazirańni 1995-2012 hoda, vyniki jakich byli apublikavanyja ŭ časopisie Royal Society Open Science, raspaviadaje BBC.
Krepaść zabradziłaha palmavaha soku, jaki małpy ŭžyvajuć u adzinočku i kampanijami, dasiahaje troch hradusaŭ. Navukoŭcy nie raz nazirali ŭ małpaŭ prykmiety apjanieńnia.
Šympanze navučylisia karystacca tym, jak ludzi źbirajuć u džunhlach palmavy sok. Małpy razžoŭvajuć listotu i joj, niby hubkaj, źbirajuć sok ź jomistaściej, raźviešanych ludźmi na kronach. Hety sok niaredka akazvajecca zabradziłym i dziejničaje na małpaŭ amal tak, jak dziejničaŭ by na ludziej.
Za prymatami takija pavodziny zaŭvažalisia i raniej, ale ŭpieršyniu atrymałasia vyličyć abjomy spažyvańnia ałkaholu — niekatoryja małpy vypivali dozy, ekvivalentnyja poŭnaj butelcy vina. Adny paśla hetaha zasynali, inšyja naadvarot stanavilisia nadta aktyŭnymi.
Mahčyma, padobnym čynam i ludzi prystasavalisia da spažyvańnia ałkaholu: prynamsi, ludzi i afrykanskija małpy majuć adnolkavuju hienietyčnuju mutacyju, adkaznuju za zasvojvańnie etanołu. Miarkujecca, što ŭ prostym cukry zabradziłaha soku małpy i prodki ludziej adšukali dobruju krynicu enierhii, što była «abaronienaja» raniej atrutnym dla ich ałkaholem.
Pakul zastajecca niavyznačanym, jak małpy, jakija rehularna ŭžyvajuć ałkahol, adčuvajuć siabie na nastupny dzień paśla «vypiŭki», a taksama ci bjucca jany za dostup da ałkaholu.
Kamientary