Bieśpiłotniki prasočać za śpisvańniem na kitajskim ekzamienie
Bo čałaviek za takoj kolkaściu abituryjentaŭ nie ŭsočyć.
U kitajskaj akruzie Łajan ułady vykarystajuć bieśpiłotniki padčas usiekitajskich ustupnych ispytaŭ u VNU (ekzamieny Gaokao), paviedamlaje Daily Mail sa spasyłkaj na People.cn.
U Kitai pryniata zdavać ustupny ekzamien masava — tysiačy abituryjentaŭ vykonvajuć zadańnie za partami, rasstaŭlenymi ŭ ahromnistych załach ci prosta na vulicy.
Padčas dvuch-trochdzionnaha ekzamienu, u miežach jakoha 9 młn kitajcaŭ pretendujuć na 6,5 młn miescaŭ va ŭniviersitetach, mnohija karystajucca prasunutymi technałohijami śpisvańnia. Schavanyja kamiery mantujucca va mnohija, navat samyja maleńkija pradmiety nakštałt asadak. Fota ź ich adsyłajecca čałavieku, jaki nadyktoŭvaje adkaz na mikranavušnik.
Prasačyć za śpisvańniem dapamohuć bieśpiłotniki, što buduć lotać na vyšyni 500 mietraŭ. Jany zdolnyja nie tolki raspaznać niezvyčajnuju aktyŭnaść, padobnuju da radyjopieradačy na navušnik, ale i niezvyčajnyja pavodziny samich vučniaŭ.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary