Va ŭsioj krainie rekłamujuć harełku pad vyhladam vady
Na biłbordach i telerekłamie, jakija ŭ apošnija hady stali zvykłymi, možna bačyć rekłamu pitnoj vady, jakuju vielmi ciažka znajści ŭ miascovych kramach, zatoje tam vielmi lohka znajści harełku pad takoj ža nazvaj, napisaŭ nam čytač Pavieł Mahilin z Barysava.
Zrazumieła, heta zusim nie barysaŭskaje i navat nie biełaruskaje nou-chau. Pitnaja vada «Naliboki» i «Svajak» — tak zvanyja «parasonavyja brendy» ałkaholnaj pradukcyi. Adzinaje afarmleńnie ŭpakoŭki (klučavymi elemientami ŭ takich vypadkach źjaŭlajucca łahatyp i nazva) dazvalaje pavialičvać prodaž harełki, rekłamujučy vypuščanuju małymi partyjami minieralnuju vadu.
U Rasii jašče ŭ 2006 hodzie zabaranili vykarystoŭvać parasonavyja brendy dla rekłamy tavaraŭ, rekłama jakich zabaronienaja. U Biełarusi ŭ 2013 hodzie televizijnaja rekłama pitnoj vady «Siabry» pryznanaja Ministerstvam handlu schavanaj rekłamaj harełki, što vyrablajecca pad anałahičnym nazvaj. Telekanałam i rekłamadaŭcu byli nakiravanyja pradpisańni ab spynieńni raspaŭsiudžvańnia dadzienaj rekłamy.
22 kastryčnika minułaha hoda Pałata pradstaŭnikoŭ RB pryniała ŭ pieršym čytańni zakonaprajekt ab zabaronie rekłamy praduktaŭ charčavańnia pad tytuniovymi i ałkaholnymi brendami.
Tym nie mienš, u Barysavie, dzie pieryjadyčna abjaŭlajuć pjanstvu boj, ŭvodziać čaćviarhi ćviarozaści i pravodziać inšyja mierapryjemstvy ŭ hetym kirunku, praciahvajuć rekłamavać harełku prosta na vulicach.
Z punktu hledžańnia ekanamičnaj metazhodnaści pazicyju miascovych uładaŭ, jakija dazvalajuć takuju rekłamu, možna zrazumieć — vytvorcy ałkaholnaj pradukcyi ŭnosiać važki ŭkład u biudžet usioj Minskaj vobłaści. A z punktu hledžańnia zakona?
Situacyju prakamientavaŭ juryst Aleh Mackievič: «Zakon «Ab rekłamie» vyznačaje lubuju ŭtojenuju rekłamu jak nienaležnuju. Nienaležnaja rekłama nie dapuskajecca.
Art. 26 Zakona «Ab rekłamie» vyznačaje, što nie dapuskajecca vykarystańnie i raźmiaščeńnie (raspaŭsiudžvańnie) inšymi sposabami schavanaj rekłamy, heta značyć rekłamy, jakaja akazvaje ŭździejańnie na ŭsprymańnie spažyŭca rekłamy, što nie ŭśviedamlajecca im, u radyjo-, tele-, videa-, aŭdyjo- i kinapradukcyi, a taksama ŭ inšaj pradukcyi (u tym liku na biłbordach).
Miascovyja vykanaŭčyja i rasparadčyja orhany ŭ adpaviednaści z normami nazvanaha Zakona źjaŭlajucca orhanami, jakija ažyćciaŭlajuć dziaržaŭnaje rehulavańnie ŭ halinie rekłamy, i ŭ miežach svajoj kampietencyi pavinny papiaredžvać fakty nienaležnaj rekłamy (art. 5, 9)».
Zdymki zroblenyja na vulicy Haharyna i ŭ barysaŭskich kramach.
Kamientary