U 2015 hodzie inflacyja ŭ Biełarusi moža skłaści 23% — taki prahnoz analitykaŭ aŭstryjskaj bankaŭskaj hrupy Raiffeisen.
Zhodna z acenkami ekśpiertaŭ Raiffeisen, pryviedzienymi ŭ ekanamičnym ahladzie «Pryjorbanka» («Pryjorbank» uvachodzić u bankaŭskuju hrupu Raiffeisen Bank International), u 2015 hodzie VUP Biełarusi źnizicca na 2%, pramysłovaja vytvorčaść — na 5%.
Naminalnaja zarabotnaja płata, miarkujuć analityki, vyraście na 15%, biespracoŭje składzie 1%, deficyt rachunku najaŭnych apieracyj budzie na ŭzroŭni 5,9% VUP, a zołatavalutnyja reziervy pavodle vynikaŭ 2015 hoda nie źmieniacca i składuć 5,1 młrd. dołaraŭ.
Ciapierašni prahnoz Raiffeisen adnosna paramietraŭ raźvićcia biełaruskaj ekanomiki pierahledžany ŭ bok paharšeńnia. U pačatku hoda analityki aŭstryjskaj bankaŭskaj hrupy čakali, što pramysłovaja vytvorčaść u Biełarusi vyraście na 1% u 2015 hodzie, VUP nie źnizicca, a inflacyja składzie 18%.
Varta zaznačyć, što na minułym tydni svaje prahnoznyja acenki raźvićcia biełaruskaj ekanomiki abnarodavaŭ i Mižnarodny valutny fond. Zhodna ź imi, VUP Biełarusi sioleta źnizicca na 2,3%, inflacyja składzie 22,1%, a deficyt rachunku najaŭnych apieracyj budzie na ŭzroŭni 7% VUP.
«U Biełarusi ŭ 2015 hodzie, jak čakajecca, budzie naziracca recesija», — havorycca ŭ krasavickim dakładzie MVF «Pierśpiektyvy raźvićcia suśvietnaj ekanomiki». Pavodle prahnozaŭ fondu, i ŭ nastupnym hodzie ekanamičnaha rostu ŭ Biełarusi moža nie być — MVF čakaje ŭ 2016 hodzie źnižeńnie biełaruskaha VUP na 0,1%.
Kab «utajmavać inflacyju i źmienšyć źniešnija dysbałansy», mižnarodnyja ekśpierty rekamiendujuć uładam Biełarusi spałučać hnutkaść abmiennaha kursu z žorstkaj makraekanamičnaj palitykaj i hłybokimi strukturnymi reformami.
Za pieršy kvartał 2015 hoda inflacyja ŭ Biełarusi skłała 4,9%, a VUP źniziŭsia na 2%. Aficyjny prahnoz biełaruskich uładaŭ, zaćvierdžany ŭ śniežni minułaha hoda, praduhledžvaŭ hadavy rost VUP na 0,2—0,7% i źnižeńnie inflacyi da 12%. U studzieni 2015 hoda, paśla devalvacyi rubla, Nacbank pierahledzieŭ prahnoz inflacyi ŭ bok pavieličeńnia da 18—20%.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary