Byłoha namieśnika ministra ŭnutranych spraŭ Południa vypuścili na svabodu daterminova
2 krasavika ministr unutranych spraŭ Ihar Šunievič paviedamiŭ žurnalistam, što na svabodu vyjšaŭ były namieśnik ministra Jaŭhien Połudzień.
«Naša Niva» pacikaviłasia, čym ciapier zajmajecca były vysoki milicyjanier.
«Jon ciapier u harodzie pracuje», — adkazaŭ na telefanavańnie syn Południa, kali paprasili paklikać tatu. Jon maje pryvatny dom u Minsku. Daviałosia pieratelefanavać. Ale były čynoŭnik nie zachacieŭ razmaŭlać: «Nijakich nikomu kamientaroŭ. Usio, dziakuj, da pabačeńnia».
Jaŭhien Połudzień byŭ pryznany vinavatym va ŭčynieńni złačynstvaŭ, praduhledžanych č. 3 art. 424 (złoŭžyvańnie ŭładaj abo słužbovymi paŭnamoctvami) i č. 3 art. 426 KK (pieravyšeńnie ŭłady abo słužbovych paŭnamoctvaŭ asobaj, jakaja zajmaje adkaznaje stanovišča). Jaho taksama vinavacili ŭ atrymańni chabaru, ale pa hetym punkcie apraŭdali.
Jaho adpravili za kraty na 3,5 hoda.
Sud prachodziŭ u zakrytym režymie. Tamu nie paviedamlałasia, na čym kankretna pahareŭ vysoki načalnik. Tolki staršynia Śledčaha kamiteta aściarožna zajaviŭ padčas rasśledavańnia, što sprava tyčyłasia pieravyšeńnia słužbovych paŭnamoctvaŭ, za što namieśnik ministra atrymlivaŭ uznaharodžańnie.
Aryštavali Jaŭhiena Południa 8 śniežnia 2011 hoda. I vyjści jon musiŭ u červieni 2015. Znajšłasia padstava dla daterminovaha vyzvaleńnia.
Południa pazbavili zvańnia pałkoŭnik milicyi. Jamu zabaroniena na praciahu piaci hadoŭ zajmać pasady, źviazanyja z vykanańniem arhanizacyjna-rasparadčych abaviazkaŭ, i ciaham čatyroch hadoŭ — z ažyćciaŭleńniem funkcyj pradstaŭnika ŭłady.
53-hadovy Jaŭhien Połudzień naradziŭsia ŭ Hrodzienskaj vobłaści. Dajšoŭ da pasady namieśnikam kiraŭnika MUS — načalnika milicyi hramadskaj biaśpieki (2009—2011).
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary