Reuters.com
Samalot rejsa «MN17» byŭ źbity nad Danieckam 17 lipienia rakietaj «Buk», zapuščanaj z rasijskaj ustanoŭki, i, chutčej za ŭsio, rasijskim ekipažam. Pra heta paviedamlajuć ŚMI sa spasyłkaj na krynicy ŭ palicyi Niderłandaŭ.
Paviedamlajecca, što «Buk» byŭ pryviezieny z Rasii va Ukrainu niezadoŭha da trahiedyi. Heta paćviardžajuć šmatlikija fota i videazapisy, a taksama znojdzienyja i apytanyja śviedki.
Śledčyja JIT sabrali i apracavali bolš za miljon dakumientaŭ, fota i videa. Z-za takoha vializnaha abjomu materyjału daviałosia značna pavialičyć skład analityčnaj hrupy.
Ciapier ekśpierty pavinny nie tolki vyjavić koła padazravanych i sabrać dokazy suprać ich, ale i pradstavić sudu fakty i śviedčańni, dastatkovyja dla vyniasieńnia abvinavaŭčaha prysudu. Mienavita nad hetym ciapier i pracuje prakurorskaja hrupa.
Taksama ŭ prakuratury Niderłandaŭ adznačajuć, što jość surjoznyja śviedčańni taho, što sakretnyja słužby RF pastajanna sprabujuć uzłamać i prabracca ŭ kampjutarnyja sistemy hałandskaj palicyi i prakuratury.
Smartfony i noŭtbuki, jakija śledčyja vykarystoŭvali va Ukrainie, i jakija mieli kantakt ź miascovymi internet-sietkami, pryjšłosia źniščyć. Pryčyna — infikavanaść špijonskaj prahramaj.
U niekatorych vypadkach pryjšłosia vydalić ź sietki akaŭnty palicejskich słužačych, bo jany padvierhlisia napadu i mahli być infikavanyja.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach10
Kamientary