RF płanuje pabudavać pieršy paŭnavartasny avijanosiec za historyju rasijskaha i savieckaha vajenna-marskich fłatoŭ, paviedamiła TASS sa spasyłkaj na hałoŭnakamandujučaha VMF Rasii Viktara Čyrkova.
«Avijanosiec u fłota budzie. Viaducca pracy adpaviednymi navukova-daśledčyckimi arhanizacyjami», — skazaŭ Čyrkoŭ.
Raniej načalnik marskoj avijacyi VMF RF Ihar Kožyn kazaŭ u efiry radyjo «Echo Moskvy», što budaŭnictva avijanosca zojmie 8-10 hadoŭ. Kali pačniecca zakładka karabla — nieviadoma.
Mahčymy novy avijanosiec budzie mieć vodaźmiaščeńnie ŭ 75 000-80 000 ton i avijahrupu ŭ bolš za 60 samalotaŭ i viertalotaŭ.
Zaraz u składzie rasijskaha fłota jość tolki adzin karabiel, jaki maje značnuju hrupoŭku bajavoj avijacyi — krejsier «Admirał fłota Savieckaha Sajuza Kuźniacoŭ». Jaho budavali na Čarnamorskim sudnabudaŭničym zavodzie ŭ Mikałajevie, jaki zaraz naležyć Ukrainie.
Adnak «Kuźniacoŭ» z-za značnaj kolkaści rakietnaha ŭzbrajeńnia pry dastatkova vialikim vodaźmiaščeńni da 61 000 ton zaraz niasie tolki 30 samalotaŭ — 14 źniščalnikaŭ Su-33, 2 vučebnyja samaloty na bazie šturmavika Su-25UB, 14 źniščalnikaŭ MiH-29K i MiH29KUB. Płanujecca, što ŭ 2015 hodzie kolkaść samalotaŭ na «Kuźniacovie» pavialičycca da maksimuma — 38-40 mašyn.
Dla paraŭnańnia — pabudavany praz 10 hod francuzski avijanosiec «Šarl de Hol» niasie da 40 samalotaŭ roznych typaŭ pry vodaźmiaščeńni da 42 000 ton.
Da taho ž «Kuźniacoŭ» nie maje paŭnavartasnych paravych katapult, što nie daje mahčymaści jamu mieć na borcie ciažkija mašyny, pierš za ŭsio — samaloty dalokaha radyjołakacyjnaha vyjaŭleńnia (DRŁV). U vyniku jahonyja mahčymaści pa vyjaŭleńni praciŭnika značna abmiežavanyja ŭ paraŭnańni, naprykład, z amierykanskimi karablami.
Budaŭnictva novaha avijanosca moža być pačataje na zavodzie «Sievmaš», jaki zaraz prachodzić rekanstrukcyju, a potym budzie ramantavać «Kuźniacova». Pa słovach namieśnika hałoŭnakamandujučaha VMF RF Viktara Bursuka, pieršy taki karabiel moža ŭvajści ŭ skład fłota tolki paśla 2030 hoda.
Košt raspracoŭki i pabudovy takoha karabla na Zachadzie moža być bolej za $5 miljardaŭ biez uliku pakupki samalotaŭ. Da taho ž avijanosiec budzie patrabavać i hrupoŭku inšych karabloŭ dla svajoj abarony.
Zaraz ZŠA majuć 10 avijanosnych udarnych hrupaŭ, kožnaja ź jakich pabudavanaja vakoł avijanosca kłasa Nimitz z vodaźmiaščeńniem bolš za 100.000 ton i 85-90 samalotami i viertalotami na borcie.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy34
Kamientary