«Barysaŭ-Arena» ŭvajšła ŭ dziasiatku najlepšych stadyjonaŭ śvietu-2014
«Barysaŭ-Arena» ŭvajšła ŭ dziasiatku lepšych stadyjonaŭ płaniety, uviedzienych u stroj u 2014 hodzie. Taki vynik štohadovaha konkursu, jaki pravodzić sajt StadiumDB.com.
Novy barysaŭski stadyjon tolki futbolny, umiaščaje 13 tys. hledačoŭ, zaniaŭ 7-je miesca, nabraŭšy 63 371 bał. U trojku najlepšych spartyŭnych aren uvajšli «Allianz Parque» (San-Paŭłu, Brazilija; umiaščalnaść 43 600 hledačoŭ), «San Mames Barria» (Bilbaa, Ispanija; 52 289) i «Adkryćcio Arena» (Maskva, Rasija; 45 000). U hałasavańni pryniali ŭdzieł amal 97 tys. čałaviek sa 136 krain, jakija aceńvali jakaść 32 stadyjonaŭ z usiaho śvietu.
«Barysaŭ-Arena», sprajektavanaja słavienskaj kampanijaj Ofis Arhitekti, pieršy biełaruski stadyjon, jaki trapiŭ u lik udzielnikaŭ hetaha prestyžnaha konkursu. Budaŭnictva areny koštam amal 50 młn jeŭra pačałosia ŭ listapadzie 2010 hoda, a pieršy matč na jaho futbolnym poli byŭ praviedzieny 3 maja 2014 hoda, kali ŭ finale rozyhryšu Kubka Biełarusi salihorski «Šachcior» abyhraŭ hrodzienski «Nioman» (1:0). U minułym siezonie na «Barysaŭ-Arenu» prypała vielmi vialikaja nahruzka: akramia jaje haspadaroŭ futbalistaŭ BATE, jakija pravodzili hulni čempijanatu Biełarusi i Lihi čempijonaŭ, na joj hulała minskaje «Dynama», jakoje pravodziła sustrečy hrupavoha etapu Lihi Jeŭropy, a taksama nacyjanalnaja zbornaja Biełarusi. Pavodle vodhukaŭ udzielnikaŭ matčaŭ, aficyjnych pradstaŭnikoŭ mižnarodnych futbolnych struktur i balelščykaŭ, rabotniki «Barysaŭ-Areny» vydatna spravilisia sa svaimi zadačami, zabiaśpiečyŭšy cudoŭnyja ŭmovy dla ŭsich haściej. Pa kłasifikacyi Sajuza jeŭrapiejskich futbolnych asacyjacyj (UEFA) «Barysaŭ-Arena» maje vyšejšuju, čaćviortuju, katehoryju, što daje joj mahčymaść prymać spabornictvy samaha vysokaha ŭzroŭniu.
U hetym hodzie barysaŭčanie nie źbirajucca apuskać płanku i rychtujucca haścinna sustreć spartsmienaŭ i hledačoŭ. Płanujecca, što novy futbolny siezon na «Barysaŭ-Arenie» adkryjecca 21 sakavika čverćfinalnaj hulnioj rozyhryšu Kubka Biełarusi, u jakim barysaŭski BATE prymie finalista minułaha kubkavaha turniru hrodzienski «Nioman».
Akramia naviedvańnia futbolnych matčaŭ i inšych vidoviščnych mierapryjemstvaŭ naviedvalniki «Barysaŭ-Areny» mohuć skarystacca trenažornaj załaj, fitnies- i dziciačym hulniavym centrami, pazajmacca ŭ studyi tancaŭ, uziać naprakat spartyŭny invientar.
Kamientary