«Lehiendy Ajzienvalda» stali pieršaj kampjutarnaj hulnioj pa-biełarusku
U «Lehiendy Ajzienvalda» možna pahulać užo zaraz, ale hulnia jašče nie zroblenaja kančatkova — da jaje pradajecca «rańni dostup». 25 lutaha źjaviłasia jaje biełaruskamoŭnaja viersija.
Hulnia «Lehiendy Ajzienvalda» minskaj studyi Aterdux Entertainment znachodzicca ŭ stadyi raspracoŭki. Ale papiaredniuju viersiju hulni ŭžo kuplili na Steam dziasiatki tysiač hulcoŭ — servis dazvalaje atrymać «rańni dostup». Heta nie prosta papiaredniaja zamova hulni, a mahčymaść pahulać u papiaredniuju viersiju i dapamahčy raspracoŭščykam.
Šturšok rynku
«Lehiendy Ajzienvalda» vyjduć na šaści movach, u tym liku pa-biełarusku.
Jana stanie pieršaj kampjutarnaj hulnioj, što maje aficyjnuju biełaruskamoŭnuju łakalizacyju.
Sam Steam nie padtrymlivaje biełaruskuju movu. Ale kali nabyć na Steam «rańni dostup» da hulni, biełaruskuju viersiju možna abrać pry zapusku «Lehiend Ajzienvalda».
«My nacelenyja pierš za ŭsio na vialikija rynki, – tłumačyć dyrektar Aterdux Entertainment Alaksandr Dziarhaj. — Heta Paŭnočnaja Amieryka, Rasija, Hiermanija i ES. U Biełarusi ž rynak paraŭnalna nievialiki, surjoznych prybytkaŭ čakać, napeŭna, nie varta. Adnak my vyrašyli padtrymać inicyjatyvu entuzijastaŭ-pierakładčykaŭ, jakija źviarnulisia da nas z prapanovaj stvaryć biełaruskuju łakalizacyju. Heta budzie naš uniosak u raźvićcio nacyjanalnaj kultury».
Raspracoŭščyki nie vyklučajuć kamiercyjnaha pośpiechu prajektu na biełaruskaj movie.
Patencyjał miascovaha rynku dahetul nie raskryty, miarkujuć jany. Vychad hulni moža stać dla rynku dobrym testam, i tady, mahčyma, źjaviacca i inšyja hulni ź biełaruskaj łakalizacyjaj.
Mova Ajzienvalda
Jak śćviardžajuć aŭtary «Lehiend Ajzienvalda», biełaruskaja mova ŭdała ŭkładajecca na siužet hulni. Hulcu prapanavany siaredniaviečny suśviet i rola vandroŭnaha rycara ŭ niamieckim hiercahstvie, pryjdziecca brać udzieł u prydvornych intryhach, vykryvać voharaŭ i zdradžvać siabram. Nad siužetam pracavali prafiesijnyja piśmieńniki ź Biełarusi i Aŭstralii.
Pierakład byŭ vykananany MTH «ReZervacyJa». Dahetul studyja vykanała nieaficyjnuju biełarusizacyju i ahučku World of Tanks, a taksama pracavała nad sumiežnymi prajektami (XVM, PROTanki). Zaraz idzie praca nad aficyjnym pierakładam Warthunder na biełaruskuju movu.
Biełaruskija pierakładčyki adznačyli, što ŭ pracesie raboty nazapasili bahaty moŭny materyjał.
Pry padbory adpaviednikaŭ nazvaŭ zbroi, brani i rečaŭ jany źviartalisia da spadčyny starabiełaruskaj movy časoŭ Vialikaha Kniastva Litoŭskaha. U dalejšym hety nazapašany matarjał moža vykarystoŭvacca pry pierakładzie papularnych zaraz fentezijnych tvoraŭ.
Nie tankami adzinymi
Raspracoŭščyki ličać, što mohuć stać važnaj źjavaj u biełaruskaj IT-industryi.
Siońnia ajčynnyja raspracoŭščyki vypuskajuć pieravažna hulni dla sacyjalnych sietak i mabilnych pryład. Takija prajekty prostyja ŭ raspracoŭcy i majuć nievialiki biudžet.
Užo mnoha hod World of Tanks — adziny prykład surjoznaj hulni dla PK ź Biełarusi.
Aterdux Entertainment adznačaje, što źjaŭlajecca pieršaj u SND kamandaj, što paśpiachova vyjšła na kraŭdfandynhavuju placoŭku Kickstarter. Tam byli sabranyja 83 tysiačy dalaraŭ, što padtrymali raspracoŭku «Lehiend Ajzenvalda».
«Lehiendy Ajzenvalda» na Steam
Kamientary